2 Emakhosi 16:14 - Siswati 1996 Bible

¹⁴ Lilati lelitfusi lelalime embikwaSimakadze walisusa ekungeneni kwelithempeli emkhatsini welilati lelisha nendlu yaSimakadze, waliletsa ngasenyakatfo yelilati lelisha.

2 Emakhosi 16:14 ပူးပေါင်းရင်းမြစ်များ

2 Emakhosi 16:11

Ngako Uriya, umphristi, wase wakha lilati ngekulandzela yonkhe ipulani leyayitfunyelwe yinkhosi Ahazi iseseDamaseko; walakha walicedza, inkhosi Ahazi isengakabuyi.

2 Emakhosi 16:13

Wanikela ngemnikelo wakhe wekushiswa, nangewalokutinhlavu, watfululela nemnikelo wakhe wesinatfo, wanyenyeta nangengati yemnikelo wakhe webudlelwane etikwelilati.

2 Emakhosi 16:15

Inkhosi Ahazi yase iyala umphristi Uriya, yatsi: “Kulelilati lelikhulu lelisha, ubonikela ngemnikelo wasekuseni wekushiswa kanye nangemnikelo wasentsambama walokutinhlavu, nangemnikelo wenkhosi wekushiswa, nangemnikelo wayo walokutinhlavu, nangemnikelo wekushiswa wesive sonkhe, nangemnikelo waso walokutinhlavu, nangemnikelo waso wesinatfo. Ubonyenyeta etikwelilati yonkhe ingati yemnikelo wekushiswa neyemihlatjelo. Kodvwa mine ngitawusebentisa lelilati lelitfusi, nangifuna teluleko.”

2 Tikhronike 1:5

Kodvwa lelilati lelitfusi lelalakhiwe nguBesaleli, umsa wa-Uri, lotalwa nguHure, lalisolomane liseGibeyoni embikwelithende laSimakadze. Ngako-ke boSolomoni nelibandla lakhe bafike bambuta Simakadze.

2 Tikhronike 29:19

Sesitilungise satingcwelisa tonkhe timphahla inkhosi Ahazi latikhipha ngenca yekungetsembeki kwakhe ngesikhatsi aseyinkhosi. Kwamanje nje setisembikwelilati laSimakadze.”

2 Tikhronike 4:1

Solomoni inkhosi wase wakha lilati lelitfusi lelalingemamitha labengaba yimfica budze, nemamitha labengaba yimfica bubanti, nemamitha labengaba mane nesigamu kuphakama.

Eksodusi 27:1

“Ubenta lilati ngemgamba, libe nemihlubulo lelinganako: budze balo libe ngemamitha langaba mabili nemasentimitha langema-20, bubanti libe ngemamitha langaba mabili nemasentimitha langema-20, nekuphakama libe ngulelingaba yimitha nemasentimitha langema-30.

Eksodusi 27:2

Lamakona lamane ubowenta abe netimphondvo lapha ngetulu, tihlangane tibe yintfo yinye nelilati, konkhe loku ubokwembesa ngelitfusi.

Eksodusi 40:29

kwase kutsi embikwalendvwangu wabeka lilati lekushisela umnikelo. Etikwalo wanikela ngemnikelo wekushiswa, nangemnikelo walokutinhlavu, njengobe Simakadze abemyalile.

Eksodusi 40:6

Embikwelithende lekukhontela ubobeka lilati lekushisela umnikelo.

Hezekeli 43:8

Nababeka umnyango wabo eceleni kwemnyango wendlu yami, netinsika tabo temnyango eceleni kwetinsika tami temnyango, kunelubondza kuphela emkhatsini wami nabo, balihlambalata Libito lami lelingcwele ngetintfo tabo letinengekako labatentako. Ngako ngase ngiyababhubhisa ngentfukutselo yami.

Matewu 23:35

kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempeli nelilati.