2 Emakhosi 16:10 - Siswati 1996 Bible

¹⁰ Inkhosi Ahazi yase iya eDamaseko yayawuhlangana naThiglathi Phileseri, inkhosi yase-Asiriya. Wafike wabona lilati eDamaseko, wase utfumela umfanekiso walo ku-Uriya, umphristi, kanye nayo yonkhe imininingwane yekwakhiwa kwalo.

2 Emakhosi 16:10 ပူးပေါင်းရင်းမြစ်များ

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 16:11

Ngako Uriya, umphristi, wase wakha lilati ngekulandzela yonkhe ipulani leyayitfunyelwe yinkhosi Ahazi iseseDamaseko; walakha walicedza, inkhosi Ahazi isengakabuyi.

2 Emakhosi 21:4

Wakha emalati ekhatsi ethempelini laSimakadze, Simakadze labekhulume ngalo watsi: “Libito lami ngiyakulibeka eJerusalema.”

1 Tikhronike 28:19

Davide wakhuluma watsi: “Konkhe loku kubhalwe phansi, ngobe sandla saSimakadze besisetikwami, wangipha kucondzisisa kahle yonkhe imininingwane yalepulani.”

Tihlabelelo 106:39

Batingcolisa ngetintfo lababetenta, bangete betsembeka kuNkulunkulu, bafana netiphingi.

Eksodusi 24:4

Mosi wawabhala phansi onkhe emavi aSimakadze. Wavuka ekuseni ngeluvivi wakha lilati phansi kwentsaba, ngematje lali-12, labemele tive tema-Israyeli.

Eksodusi 39:43

Mosi wakuhlola konkhe wakubukisisa, wabona kutsi kwentiwe njengobe abelayelwe nguSimakadze. Ngako-ke Mosi wase uyababusisa.

Isaya 8:2

Ngiyawubita Uriya, umphristi, naZakhariya, umsa waJeberekhiya, bangimele njengabofakazi bami labetsembekile.”

Jeremiya 10:2

Naku lokushiwo nguSimakadze, utsi: “Ningatifundzi tindlela tebetive nome-ke netfuswe tibonakaliso letisesibhakabhakeni, nome ngabe tive tiyatfutfumela ngato.

Hezekeli 16:28

Wesukelana nekugwadlisa base-Asiriya futsi, ngobe wawusolo ungakeneliseki; nangemva kwaloko futsi wasala ungakeneli.

Hezekeli 43:11

Nangabe banemahloni ngako konkhe labakwentile, bachazele ngelipulani lelithempeli, nekuhleleka kwalo, iminyango yalo yekuphuma neyekungena, lonkhe lipulani lalo, nayo yonkhe imiyalo nemitsetfo yalo. Kubhale phansi loku embikwabo, khona batekwetsembeka kulelipulani lalo, balandzele nemitsetfo yalo.

Hezekeli 43:8

Nababeka umnyango wabo eceleni kwemnyango wendlu yami, netinsika tabo temnyango eceleni kwetinsika tami temnyango, kunelubondza kuphela emkhatsini wami nabo, balihlambalata Libito lami lelingcwele ngetintfo tabo letinengekako labatentako. Ngako ngase ngiyababhubhisa ngentfukutselo yami.

Hezekeli 44:12

Kodvwa njengobe abebakhonta embikwetithico tabo enta indlu yaka-Israyeli yawela esonweni, ngako-ke ngifunge ngesandla lesiphakanyisiwe kutsi kufanele etfwale imiphumela yesono sawo, kusho iNkhosi Simakadze.

Matewu 15:6

akusadzingeki kumhlonipha uyise nome unina.’ Kanjalo nilente laba lite livi laNkulunkulu, nase nilandzela emasiko enu.

Matewu 15:9

‘Bangikhonta ngelite, ngobe bafundzisa imitsetfo leshaywe bantfu bente shangatsi iphuma kimi.’ ”

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

Dutheronomi 12:30

nase tiphelile embikwenu, caphelani ningabhajwa elugibeni lwekubuta ngabonkulunkulu bato, nitsi: ‘Letive tibakhonta njani bonkulunkulu bato? Natsi sitakwenta njengato.’

Joshuwa 22:28

“Tsine-ke satsi: ‘Nangabe bangake bakusho loko kitsi nome etitukulwaneni tetfu, siyawubaphendvula sitsi: “Bukani la, nasi sifanekiso selilati laSimakadze, lesakhiwa bobabe betfu, hhayi kutsi libe lekushisela iminikelo nemihlatjelo, kodvwa libe lebufakazi emkhatsini wetfu nani.” ’

1 yaPhetro 1:18

Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;