2 Emakhosi 15:8 - Siswati 1996 Bible

⁸ Ngemnyaka wema-38 wekubusa kwa-Uziya, inkhosi yakaJuda, ka-Israyeli kwabekwa Zakhariya, umsa waJerobowamu, kutsi abe yinkhosi. Wabusela eSamariya tinyanga letisitfupha.

2 Emakhosi 15:8 ပူးပေါင်းရင်းမြစ်များ

2 Emakhosi 10:30

Simakadze wakhuluma kuJehu, watsi: “Njengobe wente lokuhle, waphumelelisa loko lokuhle emehlweni ami, wenta nasendlini yaka-Ahabi konkhe loko lenganginako engcondvweni yami kutsi ngikwente, ngako situkulwane sakho sesiyawuhlala esihlalweni sebukhosi saka-Israyeli kuze kube ngusesitukulwaneni sesine.”

2 Emakhosi 14:21

Bonkhe bantfu bakaJuda base batsatsa Uziya labeneminyaka leli-16 budzala, bambeka inkhosi esikhundleni seyise, Amasiya.

2 Emakhosi 14:29

Jerobowamu wase uyakhotsama, wafihlwa emakhosini aka-Israyeli. Zakhariya, umsa wakhe, waba yinkhosi esikhundleni sakhe.

2 Emakhosi 15:1

Ngemnyaka wema-27 wekubusa kwaJerobowamu, inkhosi yaka-Israyeli, Uziya, umsa wa-Amasiya, inkhosi yakaJuda, wacala kubusa.

2 Emakhosi 15:13

Shalumi, umsa waJabeshi, waba yinkhosi ngemnyaka wema-39 wekubusa kwa-Uziya, inkhosi yakaJuda; wabusela eSamariya inyanga yaba yinye.

2 Emakhosi 15:17

Ngemnyaka wema-39 wekubusa kwa-Uziya, inkhosi yakaJuda, Menahemu, umsa waGadi, waba yinkhosi yaka-Israyeli. Wabusela eSamariya iminyaka lelishumi.

2 Emakhosi 15:23

Ngemnyaka wema-50 wekubusa kwa-Uziya, inkhosi yakaJuda, ka-Israyeli kwabekwa Phekahiya, umsa waMenahemu, kutsi abe yinkhosi. Wabusela eSamariya iminyaka lemibili.

2 Emakhosi 15:7

Uziya wase uyakhotsama wafihlwa kuboyisemkhulu eDolobheni laDavide. Jothamu, umsa wakhe, waba yinkhosi esikhundleni sakhe.

2 Emakhosi 15:9

Wenta lokubi emehlweni aSimakadze njengobe naboyisemkhulu babentile. Akazange aphendvuke etonweni taJerobowamu, umsa waNebati, labedvonsele ngato sive saka-Israyeli ekoneni.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Hoseya 1:4

Simakadze wakhuluma kuHoseya, watsi: “Metse libito utsi nguJezreyeli, ngobe ngekushesha nje ngitayijezisa indlu yakaJehu ngenca yekubulawa kwebantfu eJezreyeli, futsi ngitawucedza umbuso waka-Israyeli.

Amose 7:9

“Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”