2 Emakhosi 15:5 - Siswati 1996 Bible

⁵ Simakadze washaya inkhosi ngesifo lesisabulephelo, kwaze kwaba lilanga leyafa ngalo, yase ihlala endlini yayo yodvwa. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Emakhosi 15:5 ပူးပေါင်းရင်းမြစ်များ

2 Samuweli 3:29

Shangatsi licala lengati yakhe lingaba setikwenhloko yaJowabe kanye nendlu yeyise! Shangatsi indlu yaJowabe ingete yahlala ingenaye umuntfu lonesilondza lesincincako nome lonalokusabulephelo, nome lohamba ngetimboko, nome lobulawa ngenkemba, nome loswele kudla.”

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

1 Emakhosi 3:28

Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.

1 Emakhosi 3:9

Ngako-ke nika inceku yakho inhlitiyo lehlakaniphile nengcondvo lehlutekile lekwati kwehlukanisa lokuhle nalokubi, kuze yehlulele kahle lesive sakho. Ngobe ngubani nje longakhona kubusa lesive sakho lesikhulu kangaka?”

2 Emakhosi 15:32

Ngemnyaka wesibili wekubusa kwaPhekha, umsa waRemaliya, inkhosi yaka-Israyeli, Jothamu, umsa wa-Uziya, inkhosi yakaJuda, wacala kubusa.

2 Emakhosi 15:6

Leminye imininingwane ngekubusa kwa-Uziya, nako konkhe lakwenta, kubhaliwe encwadzini yemilandvo yemakhosi akaJuda.

2 Emakhosi 5:27

Bulephelo baNamani sebutawunamatsela kuwe kanye nasetitukulwaneni takho siphelane.” Watsi Gehazi nakaphuma, esuka embikwa-Elisha, wabe asanebulephelo asamhlophe njengangcocwane.

2 Emakhosi 7:3

Kwakukhona emadvodza lamane labenesifo lesisabulephelo labehlala ngasesangweni lelidolobha. Akhulumisana odvwana atsi: “Sitawuhlalelani lapha size sife?

1 Tikhronike 3:12

kweta Amasiya, umsa wakhe, kweta Azariya, umsa wakhe, kweta Jothamu, umsa wakhe,

1 Tikhronike 5:17

Yonkhe lemilandvo yeluhlanga lwekutalana kwato yayibhalwe phansi ngesikhatsi sekubusa kwaJothamu, inkhosi yakaJuda, naJerobowamu, inkhosi yaka-Israyeli.

Jobe 34:19

longakhetsi ngisho nakuto tikhulu, ngisho nakulabanjingile nalabamphofu, ngobe phela bonkhe bangumsebenti wetandla takhe?

Tihlabelelo 72:1

Awu, Nkulunkulu! Nika inkhosi likhono lakho lekwehlulela nekubusa ngebucotfo unike lomntfwanenkhosi kulunga kwakho.

Hoseya 1:1

Livi laSimakadze lelefika kuHoseya, umsa waBheri, ngesikhatsi sekubusa kwemakhosi bo-Uziya, naJothamu, na-Ahazi, naHezekiya, emakhosi akaJuda, nakubusa inkhosi Jerobowamu, umsa waJehoyashi, inkhosi yaka-Israyeli:

Levithikusi 13:46

Utawuhlala angcolile yingci nakasenaloku lokusabulephelo; kufanele ahlaliswe yedvwana ethendeni lelingaphandle kwenkambu.”

Mikha 1:1

Ngesikhatsi kaJuda kusabusa boJothamu, na-Ahazi, naHezekiya Simakadze watfuma Mikha waseMoreshethi. Simakadze wembulela Mikha nati tintfo ngeSamariya neJerusalema:

Numeri 12:10

Latsi lisuka nje lelifu ethendeni lekuhlangana, Miriyamu wabe asamhlophe hhu lokusabulephelo wonkhe umtimba, asamhlophe njengesitfwatfwa. Aroni wagucukela kuMiriyamu, wamkhandza asatse hhu wonkhe umtimba.

Numeri 12:14

Simakadze watsi kuMosi: “Kube bekakhafulelwe nguyise ebusweni bakhe bekangetiletfwala yini lelihlazo lakhe emalanga lasikhombisa? Akavalelwe ngephandle kwenkambu ahlale khona emalanga lasikhombisa, kutawutsi emvakwaloko bese niyamngenisa-ke.”

Dutheronomi 24:8

“Naniguliswa sifo lesisabulephelo, nibocaphela kutsi nenta njengobe baphristi, labangemaLevi, baniyala. Nibokulandzela nikucaphelisise konkhe loko lengibayale ngako kutsi bakwente.