2 Emakhosi 15:32 - Siswati 1996 Bible

³² Ngemnyaka wesibili wekubusa kwaPhekha, umsa waRemaliya, inkhosi yaka-Israyeli, Jothamu, umsa wa-Uziya, inkhosi yakaJuda, wacala kubusa.

2 Emakhosi 15:32 ပူးပေါင်းရင်းမြစ်များ

2 Emakhosi 14:21

Bonkhe bantfu bakaJuda base batsatsa Uziya labeneminyaka leli-16 budzala, bambeka inkhosi esikhundleni seyise, Amasiya.

2 Emakhosi 15:1

Ngemnyaka wema-27 wekubusa kwaJerobowamu, inkhosi yaka-Israyeli, Uziya, umsa wa-Amasiya, inkhosi yakaJuda, wacala kubusa.

2 Emakhosi 15:13

Shalumi, umsa waJabeshi, waba yinkhosi ngemnyaka wema-39 wekubusa kwa-Uziya, inkhosi yakaJuda; wabusela eSamariya inyanga yaba yinye.

2 Emakhosi 15:17

Ngemnyaka wema-39 wekubusa kwa-Uziya, inkhosi yakaJuda, Menahemu, umsa waGadi, waba yinkhosi yaka-Israyeli. Wabusela eSamariya iminyaka lelishumi.

2 Emakhosi 15:23

Ngemnyaka wema-50 wekubusa kwa-Uziya, inkhosi yakaJuda, ka-Israyeli kwabekwa Phekahiya, umsa waMenahemu, kutsi abe yinkhosi. Wabusela eSamariya iminyaka lemibili.

2 Emakhosi 15:27

Ngemnyaka wema-52 wekubusa kwa-Uziya, inkhosi yakaJuda, Phekha, umsa waRemaliya, waba yinkhosi yaka-Israyeli. Wabusela eSamariya iminyaka lengema-20.

2 Emakhosi 15:30

Hosheya, umsa wa-Ela, wakha luzungu ngaPhekha, umsa waRemaliya. Wambamba sigulukudvwana, wambulala, kwase kube nguye inkhosi ngemnyaka wema-20 wekubusa kwaJothamu, umsa wa-Uziya.

2 Emakhosi 15:31

Leminye imininingwane ngekubusa kwaPhekha, nako konkhe lakwenta, kubhaliwe encwadzini yemilandvo yemakhosi aka-Israyeli.

2 Emakhosi 15:33

Abeneminyaka lengema-25 budzala ngesikhatsi acala kubusa. Wabusela eJerusalema iminyaka leli-16. Libito lenina bekunguJerusha, indvodzakati yaSadoki.

2 Emakhosi 15:5

Simakadze washaya inkhosi ngesifo lesisabulephelo, kwaze kwaba lilanga leyafa ngalo, yase ihlala endlini yayo yodvwa. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Emakhosi 15:7

Uziya wase uyakhotsama wafihlwa kuboyisemkhulu eDolobheni laDavide. Jothamu, umsa wakhe, waba yinkhosi esikhundleni sakhe.

1 Tikhronike 3:12

kweta Amasiya, umsa wakhe, kweta Azariya, umsa wakhe, kweta Jothamu, umsa wakhe,

1 Tikhronike 5:17

Yonkhe lemilandvo yeluhlanga lwekutalana kwato yayibhalwe phansi ngesikhatsi sekubusa kwaJothamu, inkhosi yakaJuda, naJerobowamu, inkhosi yaka-Israyeli.

Isaya 1:1

Lona ngumbono lowabonwa ngu-Isaya, umsa wa-Amose, ngebakaJuda nangebaseJerusalema ngesikhatsi kusabusa bo-Uziya, naJothamu, na-Ahazi, naHezekiya, emakhosi akaJuda.

Mikha 1:1

Ngesikhatsi kaJuda kusabusa boJothamu, na-Ahazi, naHezekiya Simakadze watfuma Mikha waseMoreshethi. Simakadze wembulela Mikha nati tintfo ngeSamariya neJerusalema:

Matewu 1:9

Oziya watala Jothamu; Jothamu watala Ahazi; Ahazi watala Hezekiya;