2 Emakhosi 15:29 - Siswati 1996 Bible

²⁹ Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 15:29 ပူးပေါင်းရင်းမြစ်များ

1 Emakhosi 14:15

Simakadze utawushaya sive saka-Israyeli, size sifanane nemhlanga loveveteliswa ngumoya emantini. Uyawusiphula lesive saka-Israyeli kulelive lelihle lalipha bokhokho baso, bese usisakatela ngesheya kweMfula iYufrathe, ngobe sicunule Simakadze samtfukutselisa ngekwakha tinsika ta-Ashera.

1 Emakhosi 15:20

Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Watfumba i-Ijoni, neDani, na-Abela Bhethi Makha, kanye nayo yonkhe iKhinerethi kanye nalo lonkhe lakaNaftali.

1 Emakhosi 9:11

inkhosi Solomoni yabe seyinika Hiramu, inkhosi yaseThire, emadolobha langema-20 aseGalile, ngobe Hiramu abemnike yonkhe imisedari, netipheshula kanye negolide labeyidzinga.

2 Emakhosi 15:19

Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.

2 Emakhosi 15:20

Menahemu lemali abeyikhiphisa labantfu baka-Israyeli ngenkhani. Wonkhe umuntfu labenjingile abefanele akhokhe tinhlavu tesiliva letingema-50 amunye, kutsi kutewunikwa inkhosi yase-Asiriya; nembala, yase iyamyekela Menahemu, yalishiya live lakhe.

2 Emakhosi 15:28

Wenta lokubi emehlweni aSimakadze. Akazange aphendvuke etonweni taJerobowamu, umsa waNebati, labedvonsele ngato sive saka-Israyeli ekoneni.

2 Emakhosi 15:30

Hosheya, umsa wa-Ela, wakha luzungu ngaPhekha, umsa waRemaliya. Wambamba sigulukudvwana, wambulala, kwase kube nguye inkhosi ngemnyaka wema-20 wekubusa kwaJothamu, umsa wa-Uziya.

2 Emakhosi 16:10

Inkhosi Ahazi yase iya eDamaseko yayawuhlangana naThiglathi Phileseri, inkhosi yase-Asiriya. Wafike wabona lilati eDamaseko, wase utfumela umfanekiso walo ku-Uriya, umphristi, kanye nayo yonkhe imininingwane yekwakhiwa kwalo.

2 Emakhosi 16:7

Ahazi watfumela tigijimi kuyawutjela Thiglathi Phileseri, inkhosi yase-Asiriya, watsi: “Ngiyinceku lesisebenti sakho. Khuphuka utengephula etandleni tenkhosi yaseSiriya nasenkhosini yaka-Israyeli, naba bangihlasela.”

2 Emakhosi 17:20

Ngako-ke Simakadze wase uyatala tonkhe tive tema-Israyeli, watihlupha, watinikela etandleni tebatfumbi bato, waze waticosha ebukhoneni bakhe.

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 18:11

Inkhosi yase-Asiriya yatfumba baka-Israyeli yabayisa e-Asiriya, labanye yafike yababeka eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 19:11

Angitsi sewuvile kutsi entani emakhosi ase-Asiriya kuwo onkhe lamanye emave, acotfule imbokodvo nesisekelo kuwo. Wena-ke ungaphepha kanjani?

2 Emakhosi 8:11

Wambukisisa, waze Hazayeli wadliwa ngemahloni. Umuntfu waNkulunkulu wase uyakhala.

1 Tikhronike 5:22

Linyenti labulawa, ngobe lemphi beyiyaNkulunkulu. Lelo live balidla, bahlala kulo kwaze kwaba sikhatsi sekudzingiswa kwabo.

1 Tikhronike 5:26

Ngako Nkulunkulu wema-Israyeli wacunula inhlitiyo yaPhuli, inkhosi yase-Asiriya, lekwakunguThiglathi Phileseri, inkhosi yase-Asiriya, watfumba bakaRubeni, nebakaGadi kanye nencenye yesive sakaManase, wabadzingisa. Wabatsatsa wabayisa eHala, naseHabori, naseHara, nasemfuleni iGozani, lapho basekhona khona ngisho nalamuhla loku.

1 Tikhronike 5:6

umsa wakhe kunguBhera, lowatfunjwa nguThiglathi Phileseri, inkhosi yase-Asiriya; Bhera abengumholi wesive sakaRubeni.

2 Tikhronike 16:4

Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Tancoba, tatfumba i-Ijoni, neDani, ne-Abela Mayimu, kanye nawo onkhe emadolobha latingungu akaNaftali.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Isaya 1:7

Live lenu selilihlane, emadolobha enu asashiswe ngemlilo; bachamuki batsatsa sivuno semasimi enu embikwenu nibuka. Live lenu selilihlane, labhujiswa ngabo.

Isaya 37:18

“Kuliciniso kona, Simakadze, kutsi emakhosi ase-Asiriya atibhubhisile tonkhe letive kanye nemave ato.

Isaya 7:16

Kodvwa kuyawutsi lomfana asengakakwati kwala lokubi akhetse lokuhle, lelo live lalamakhosi lamabili lowesabako, liyawube selingasenalutfo.

Isaya 7:20

Ngalelo langa Simakadze uyawusebentisa insingo lecashwe ngesheya kweMfula, inkhosi yase-Asiriya, kutsi itewuhhula ngayo tinhloko tenu, kanye netiboya letisemilenteni yenu, isuse netilevu tenu.

Hezekeli 23:9

“Ngako-ke ngavele ngamnikela etandleni temashende akhe, ema-Asiriya, labewakhanuka.

Levithikusi 26:32

Live lenu ngiyawuliphundla, kuze kutsi netitsa tenu letingena kulo timangale ngalo.

Amose 1:13

Naku lokushiwo nguSimakadze, utsi: “Bantfu baka-Amoni bone kwaze kwengca, ngaleso sizatfu ngingeke ngihlale ngingabajezisi. Ema-Amoni abahlinze beva bafati labatetfwele bakaGileyadi, kuze atekwandzisa iminyele yawo.

Amose 1:3

Naku lokushiwo nguSimakadze, utsi: “Bantfu baseDamaseko bone kwaze kwengca, ngaleso sizatfu ngingeke ngihlale ngingabajezisi. Baphatse sive sakaGileyadi ngensila nakabuhlungu, basihhudlisa phansi njengetihliphi nanjengetihhudlo.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Amose 6:14

Kodvwa Simakadze Nkulunkulu longuSomandla uyakhuluma utsi: “Ngiyawuchukuluta sive, sinivukele, ninendlu yaka-Israyeli. Leso sive siyawunicindzetela yonkhe indlela kusukela eLebo Hamathi kuze kuyewufika esigodzini sase-Arabha.”

Numeri 32:1

EmaRubeni nemaGadi labenemihlambi lemikhulu yetinkhomo, netimvu, netimbuti abona ematsafa aseJazeri naseGileyadi kutsi abelungele kuba ngemadlelo.

Numeri 32:40

Ngako-ke live lakaGileyadi Mosi waliniketa emaMakhire, titukulwane takaManase, akha khona lapho.

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Dutheronomi 3:15

“IGileyadi ngayabela Makhire.

Joshuwa 11:1

Watsi kube Jabini, inkhosi yaseHasori, akuve loku, watfumela livi kuJobabi, inkhosi yaseMadoni, nasenkhosini yaseShimironi neyase-Akshafu,

Joshuwa 11:10

Ngaleso sikhatsi Joshuwa wagucuka watfumba iHasori, wagwaza inkhosi yakhona ngenkemba. IHasori bekuyinhlokodolobha yayo yonkhe lemibuso.

Joshuwa 11:13

Noko ema-Israyeli akazange awashise lamadolobha labesetintsabeni, ngaphandle kweHasori leyashiswa nguJoshuwa.

Joshuwa 12:19

inkhosi yaseMadoni yaba yinye, inkhosi yaseHasori yaba yinye,

Joshuwa 16:6

uchubeke uze ufike elwandle. Wawusuka eMikmethathi ngasenyakatfo, ujikele ngasemphumalanga ucondze eThanathi Shilo, ushaye edvute nayo, ucondze eJanoha ngasemphumalanga.

Joshuwa 19:35

Emadolobha latinqaba kwaba yiSidimu, neSeri, neHamathi, neRakhathi, neKhinerethi,

Joshuwa 19:37

neKhedeshi, ne-Edreyi, ne-Eni Hasori,

Joshuwa 20:7

Ngako base bakhetsa iKhedeshi yaseGalile eveni letintsaba kulakaNaftali, neShekhemu, eveni letintsaba kulaka-Efrayimu, neKhiriyathi Abha, lekuyiHebroni, eveni letintsaba kulakaJuda.

Tikhulu 18:30

Ngulapho-ke lapho bakaDani bafike batimisela khona letithico tabo. BoJonathani, umsa waGeshomu, labetalwa nguMosi, kanye nemadvodzana akhe babebaphristi besive sakaDani, kwaze kwaba sikhatsi sekutfunjwa kwelive.

Tikhulu 4:2

Ngako Simakadze wawanikela kuJabini, inkhosi yaseKhenani, labebusa eHasori. Indvuna yemphi yakhe kwakunguSisera, labehlala eHaroshethi Hagoyimu.