2 Emakhosi 15:13 - Siswati 1996 Bible

¹³ Shalumi, umsa waJabeshi, waba yinkhosi ngemnyaka wema-39 wekubusa kwa-Uziya, inkhosi yakaJuda; wabusela eSamariya inyanga yaba yinye.

2 Emakhosi 15:13 ပူးပေါင်းရင်းမြစ်များ

1 Emakhosi 16:15

Ngemnyaka wema-27 wekubusa kwa-Asa, inkhosi yakaJuda, Zimri wabusa eThisa emalanga lasikhombisa. Imphi beyimise eceleni kweGibhethoni, lidolobha lemaFilisti.

1 Emakhosi 16:24

Watsenga intsaba yaseSamariya kuShemeri ngemakhilogremu langaba ngema-70 esiliva, wakha lidolobha kulentsaba, waletsa libito watsi yiSamariya, aletsa ngaShemeri, libito lalona bekangumnikati wayo lentsaba kucala.

2 Emakhosi 15:1

Ngemnyaka wema-27 wekubusa kwaJerobowamu, inkhosi yaka-Israyeli, Uziya, umsa wa-Amasiya, inkhosi yakaJuda, wacala kubusa.

2 Emakhosi 15:8

Ngemnyaka wema-38 wekubusa kwa-Uziya, inkhosi yakaJuda, ka-Israyeli kwabekwa Zakhariya, umsa waJerobowamu, kutsi abe yinkhosi. Wabusela eSamariya tinyanga letisitfupha.

Jobe 20:15

Utabukhafula bonkhe lobunjinga labumita, Nkulunkulu utamhlantisa bonkhe lapha esiswini sakhe.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Taga 28:17

Umuntfu nakanelicala lekubulala, myekele abaleke aze afe.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Isaya 1:1

Lona ngumbono lowabonwa ngu-Isaya, umsa wa-Amose, ngebakaJuda nangebaseJerusalema ngesikhatsi kusabusa bo-Uziya, naJothamu, na-Ahazi, naHezekiya, emakhosi akaJuda.

Hoseya 10:3

Bayawube sebayakhuluma batsi: “Asinayo inkhosi, ngobe asizange simhloniphe Simakadze. Kodvwa nome ngabe besinayo inkhosi, beyitasentela ini?”

Hoseya 8:4

Batibekela emakhosi bangakancutfulisi kimi, batikhetsela babusi bangakabonwa ngimi. Ngesiliva yabo nangegolide yabo batentela tithico letitababhubhisa bona.