2 Emakhosi 15:12 - Siswati 1996 Bible

¹² Ngaloko kwagcwaliseka livi laSimakadze lalikhuluma kuJehu litsi: “Situkulwane sakho siyawuhlala esihlalweni sebukhosi saka-Israyeli kuze kube ngusesitukulwaneni sesine.”

2 Emakhosi 15:12 ပူးပေါင်းရင်းမြစ်များ

2 Emakhosi 10:10

Yatini-ke kutsi kute nalinye livi lalikhulumile Simakadze ngendlu ya-Ahabi leliyakuwela phansi. Simakadze ukwentile loko lakwetsembisa ngenceku yakhe Elija.”

2 Emakhosi 10:30

Simakadze wakhuluma kuJehu, watsi: “Njengobe wente lokuhle, waphumelelisa loko lokuhle emehlweni ami, wenta nasendlini yaka-Ahabi konkhe loko lenganginako engcondvweni yami kutsi ngikwente, ngako situkulwane sakho sesiyawuhlala esihlalweni sebukhosi saka-Israyeli kuze kube ngusesitukulwaneni sesine.”

2 Emakhosi 13:1

Ngemnyaka wema-23 wekubusa kwaJowashi, umsa wa-Ahaziya, inkhosi yakaJuda, ka-Israyeli kwabekwa Jehoyahazi, umsa waJehu, kutsi abe yinkhosi yaka-Israyeli. Wabusela eSamariya iminyaka leli-17.

2 Emakhosi 13:10

Ngemnyaka wema-37 wekubusa kwaJowashi, inkhosi yakaJuda, ka-Israyeli kwabekwa Jehoyashi, umsa waJehoyahazi, kutsi abe yinkhosi ka-Israyeli. Wabusela eSamariya iminyaka leli-16.

2 Emakhosi 13:13

Jehoyashi wase uyakhotsama, wafihlwa kuboyisemkhulu. Jerobowamu waze wahlala esihlalweni sakhe sebukhosi. Jehoyashi wafihlwa eSamariya, emadlizeni emakhosi aka-Israyeli.

2 Emakhosi 14:29

Jerobowamu wase uyakhotsama, wafihlwa emakhosini aka-Israyeli. Zakhariya, umsa wakhe, waba yinkhosi esikhundleni sakhe.

2 Emakhosi 15:11

Leminye imininingwane ngekubusa kwaZakhariya ibhaliwe encwadzini yemilandvo yemakhosi aka-Israyeli.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

Makho 13:31

Kuyakwendlula lizulu nemhlaba, kodvwa emavi ami wona angeke endlule.”

Johane 10:35

Wababita ngekutsi bonkulunkulu labo babenelivi laNkulunkulu, umBhalo ungeke uguculwe.

Johane 19:24

Emasotja akhuluma odvwana atsi: “Asingayisiki, kodvwa asente inkatho sitewubona kutsi itawuba yabani.” Loko kwenteka kuze kutewugcwaliseka umBhalo lotsi: “Behlukaniselana ngetimphahla tami, bentelana inkatho ngengubo yami.” Ngako emasotja akwenta loko.

Imisebenti yebaPhostoli 1:16

“Madvodza, bazalwane, umBhalo bewufanele ugcwaliseke njengekusho kwaMoya Longcwele, lowakhuluma kadzeni ngaDavide macondzana naJudasi, lowahola labo lababopha Jesu.

1 Samuweli 3:19

Simakadze waba naSamuweli asakhula, wangete wavumela ngisho nalinye livi lakhe kutsi liwele phansi.