10 Shalumi, umsa waJabeshi, wakhela Zakhariya luzungu, wamenta silo sengubo embikwebantfu, wambulala, wangena esikhundleni sakhe, waba yinkhosi.
“Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”
Hosheya, umsa wa-Ela, wakha luzungu ngaPhekha, umsa waRemaliya. Wambamba sigulukudvwana, wambulala, kwase kube nguye inkhosi ngemnyaka wema-20 wekubusa kwaJothamu, umsa wa-Uziya.
Lenye yetinceku takhe, Phekha, umsa waRemaliya, wamakhela luzungu. Wabutsa emadvodza langema-50 akaGileyadi, wenta Phekahiya silo sengubo. Phekha wabulala Phekahiya kanye nabo-Agobu na-Ariye; wababulalela enqabeni yesigodlo saseSamariya. Phekha wase uba yinkhosi.
Menahemu, umsa waGadi, wesuka eThisa waya eSamariya. Wahlasela Shalumi, umsa waJabeshi, eSamariya, wambulala, kwase kuba nguye inkhosi.
Watsi nje Jehu asangena esangweni, wambuta watsi: “Ute ngekuthula yini, Zimri, wena mbulali wenkhosi yakho?”
Jehu wase unsala butjoki bakhe wamjijimeta, umcibisholo wangena emhlabankhomo, wadzabula inhlitiyo ekhatsi, Joramu wadzilika encoleni yakhe.
Bhasha wabulala Nadabi ngemnyaka wesitsatfu wekubusa kwa-Asa, inkhosi yakaJuda, kwase kuba nguye inkhosi yaka-Israyeli.
Wenta lokubi emehlweni aSimakadze njengobe naboyisemkhulu babentile. Akazange aphendvuke etonweni taJerobowamu, umsa waNebati, labedvonsele ngato sive saka-Israyeli ekoneni.
Leminye imininingwane ngekubusa kwaZakhariya ibhaliwe encwadzini yemilandvo yemakhosi aka-Israyeli.
Letindvuna letamsontsa bekuboJozabadi, umsa waShimeyathi, naJehozabadi, umsa waShomeri. Wafa, wafihlwa emadlizeni aboyisemkhulu eDolobheni laDavide. Amasiya, umsa wakhe, waba yinkhosi esikhundleni sakhe.
Bakha luzungu ngaye eJerusalema, wase uyabaleka waya eLakhishi; kodvwa batfumela emadvodza amcosha, afike ambulalela khona eLakhishi.
Menahemu wase uyakhotsama. Phekahiya, umsa wakhe, waba yinkhosi esikhundleni sakhe.
Bonkhe bashisa njengelihhavu, bashwabudzela babusi babo. Onkhe emakhosi abo ayawa, kute namunye emkhatsini wabo locela lusito kimi.”
Batibekela emakhosi bangakancutfulisi kimi, batikhetsela babusi bangakabonwa ngimi. Ngesiliva yabo nangegolide yabo batentela tithico letitababhubhisa bona.