2 Emakhosi 14:9 - Siswati 1996 Bible

⁹ Kodvwa Jehoyashi, inkhosi yaka-Israyeli, waphendvula Amasiya, inkhosi yakaJuda, watsi: “Sihlahla sesitfwetfwe saseLebanoni satfumela umlayeto kumsedari waseLebanoni, lotsi: ‘Yendzisela umsa wami lentfombi yakakho.’ Kwase kusuka silwane sesiganga saseLebanoni seta satawugcobagcoba lesihlahla sesitfwetfwe ngetinselo taso.

2 Emakhosi 14:9 ပူးပေါင်းရင်းမြစ်များ

1 Emakhosi 4:33

Wakhuluma ngetihlahla nangetitjalo, kusukela etihlahleni temisedari yaseLebanoni kuye kutehisophu letimila etibondzeni. Wafundzisa nangetilwane, nangetinyoni, nangetilwane letihuma ngesisu emhlabatsini kanye nangetinhlanti.

2 Tikhronike 25:18

Kodvwa Jehoyashi, inkhosi yaka-Israyeli, waphendvula Amasiya, inkhosi yakaJuda, watsi: “Sihlahla sesitfwetfwe saseLebanoni satfumela umlayeto kumsedari waseLebanoni, lotsi: ‘Yendzisela umsa wami lentfombi yakakho.’ Kwase kusuka silwane sesiganga saseLebanoni seta satawugcobagcoba lesihlahla sesitfwetfwe ngetinselo taso.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Jobe 31:18

kodvwa ngabondla kusukela ebusheni bami, ngaba njengeyise kubo, kusukela ekutalweni kwami ngabondla bafelokati,

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Taga 26:9

Njengesidzakwa nasikhipha linyeva esandleni, anjalo emavi lahlakaniphile nasemlonyeni wesilima.

Ingoma Yetingoma 2:2

Njengemnduze emkhatsini wemanyeva, unjalo lotsandzekako wami emkhatsini wetintfombi.

Isaya 34:13

Emanyeva ayakwehlula tigodlo talo, emanyeva netinchachabutane kunyatsele tinqaba talo. Kuyawuba yindzawo yekujangaza timphungutja, nelikhaya letahhukulu.

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.

1 kubaseKorinthe 12:15

Nangabe lunyawo lungatsi: “Loku ngingesiso sandla, angisiye wemtimba,” noko nome lungasho njalo, lusengilo lwemtimba.

1 Samuweli 13:6

Atsi kube emadvodza aka-Israyeli abone kutsi simo sawo sasisibi kakhulu, kantsi futsi abesabandzetelekile, abese abhaca emigedzeni, nasetincumatsini, nasemifantfwini yemadvwala, nasemigodzini, nasemitfonjeni.