2 Emakhosi 14:3 - Siswati 1996 Bible

³ Wenta lokuhle emehlweni aSimakadze, kodvwa noko hhayi njengeyisemkhulu Davide. Kuko konkhe walandzela etinyatselweni teyise Jowashi.

2 Emakhosi 14:3 ပူးပေါင်းရင်းမြစ်များ

1 Emakhosi 11:4

Ngesikhatsi Solomoni akhula, emakhosikati akhe abeya ngekuya kuphambukisela inhlitiyo yakhe etithicweni tawo; inhlitiyo yakhe yayingasekatinikeli ngalokuphelele kuSimakadze longuNkulunkulu wakhe, njengenhlitiyo yeyise Davide.

1 Emakhosi 15:11

Inkhosi Asa yenta lokuhle emehlweni aSimakadze, njengobe kwakwenta khokho wakhe Davide.

1 Emakhosi 15:3

Abiya watenta tonkhe tono letatentiwe nguyise embikwakhe; inhlitiyo yakhe yayingakapheleli kuSimakadze Nkulunkulu wakhe, njengenhlitiyo yaDavide labengukhokho wakhe labenamatsele kuNkulunkulu.

1 Emakhosi 3:3

Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.

2 Emakhosi 12:2

Jowashi wenta lokuhle emehlweni aSimakadze ngaso sonkhe sikhatsi abelulekwa ngumphristi Jehoyada.

2 Emakhosi 14:2

Abeneminyaka lengema-25 budzala ngesikhatsi acala kubusa. Wabusela eJerusalema iminyaka lengema-29. Libito lenina bekunguJehoyadini, waseJerusalema.

2 Emakhosi 14:4

Kodvwa tindzawo letiphakeme tekukhontela tithico tona atizange tisuswe; bantfu babechubeka banikelela kuto imihlatjelo yekushiswa, batfuncisa nemphepho khona.

2 Emakhosi 18:3

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Emakhosi 22:2

Josaya wenta lokuhle emehlweni aSimakadze, wahamba ngato tonkhe tindlela teyise Davide, akazange aphambukele ngesekudla nome ngesancele.

2 Tikhronike 24:17

Kwatsi emvakwekufa kwaJehoyada, tindvuna takaJuda teta kutawuvusela enkhosini, yafike yatilalela.

2 Tikhronike 24:2

Jowashi wenta lokuhle emehlweni aSimakadze ngaso sonkhe sikhatsi semphristi Jehoyada.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

1 yaPhetro 1:18

Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;