2 Emakhosi 14:25 - Siswati 1996 Bible

²⁵ Nguye lowabuyisela iminyele yaka-Israyeli kusukela eLebo Hamathi kuye eLwandle lwase-Arabha, njengekusho kwelivi laSimakadze, Nkulunkulu wema-Israyeli, lalikhuluma ngenceku yakhe Jona, umsa wa-Amithayi, umphrofethi waseGathi Heferi.

2 Emakhosi 14:25 ပူးပေါင်းရင်းမြစ်များ

Genesisi 14:3

Onkhe lamakhosi ahlangana ndzawonye eTsafeni laseSidimu, lesekwaba Lwandle Lweluswayi.

1 Emakhosi 8:65

Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

2 Emakhosi 10:32

Ngalawo malanga Simakadze wacala kunciphisa live laka-Israyeli. Hazayeli wawehlula ema-Israyeli, walibusa lonkhe live lawo,

2 Emakhosi 13:25

Jehoyashi, umsa waJehoyahazi, waphindze futsi wawatsatsa etandleni taBheni Hadadi, umsa waHazayeli, onkhe lamadolobha labewatfumbe emphini kuyise, Jehoyahazi. Jehoyashi wehlula Bheni Hadadi kwaze kwaba katsatfu. Jehoyashi wawabuyisa lamadolobha aka-Israyeli labetfunjwe ngemaSiriya.

2 Emakhosi 13:5

Simakadze wabavetela umkhululi baka-Israyeli, baphunyula esandleni senkhosi yemaSiriya. Ngako baka-Israyeli base bahlala emakhaya abo, njengobe babenta kucala.

2 Emakhosi 14:24

Wenta lokubi emehlweni aSimakadze, wangete waphendvuka ngisho nakusinye sono lesentiwa nguJerobowamu, umsa waNebati, labedvonsele ngato sive saka-Israyeli ekoneni.

Hezekeli 11:10

Nitawubulawa ngenkemba, bese ngehlisela sigwebo kini ngaseminyeleni yaka-Israyeli. Ngulapho-ke niyawungati khona kutsi mine nginguSimakadze.

Amose 6:14

Kodvwa Simakadze Nkulunkulu longuSomandla uyakhuluma utsi: “Ngiyawuchukuluta sive, sinivukele, ninendlu yaka-Israyeli. Leso sive siyawunicindzetela yonkhe indlela kusukela eLebo Hamathi kuze kuyewufika esigodzini sase-Arabha.”

Jona 1:1

Ngalelinye lilanga livi laSimakadze lefika kuJona, umsa wa-Amithayi, latsi:

Numeri 13:21

Benyuka, bafike balihlola lonkhe lelo live kusukela eHlane laseSini kuze kuyewufika eRehobu, edvute nemsaho, iHamathi.

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Dutheronomi 3:17

Ngasenshonalanga lelive labo lalihamba lize liyewufika emfuleni iJordane, e-Arabha, lalisuka eKhinerethi lize liyewufika eLwandle lwase-Arabha, Lwandle Lweluswayi, ngaphansi kwemacele asePhisga.

Joshuwa 19:13

Wawuchubeka ucondze emphumalanga eGathi Heferi, nase-Ethi Kasini; wawufike wendlule iRimoni ujikele eNeya.