2 Emakhosi 14:24 - Siswati 1996 Bible

²⁴ Wenta lokubi emehlweni aSimakadze, wangete waphendvuka ngisho nakusinye sono lesentiwa nguJerobowamu, umsa waNebati, labedvonsele ngato sive saka-Israyeli ekoneni.

2 Emakhosi 14:24 ပူးပေါင်းရင်းမြစ်များ

Genesisi 38:7

Kodvwa Era, litubulo laJuda, watiphatsa kabi embikwaSimakadze. Ngako-ke Simakadze wambulala.

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

2 Emakhosi 13:11

Wenta lokubi emehlweni aSimakadze, wangete waphendvuka ngisho nakusinye setono taJerobowamu, umsa waNebati, labedvonsele ngato sive saka-Israyeli ekoneni; wachubekela embili nato.

2 Emakhosi 13:2

Wenta lokubi emehlweni aSimakadze, walandzela tono letatentiwa nguJerobowamu, umsa waNebati, labedvonsele ngato sive saka-Israyeli ekoneni, akazange aphendvuke kuto.

2 Emakhosi 13:6

Kodvwa abazange baphendvuke etonweni tendlu yakaJerobowamu, labedvonsele ngato sive saka-Israyeli ekoneni; bachubeka bona ngato. Insika ya-Ashera yachubeka yema eSamariya.

2 Emakhosi 14:23

Ngemnyaka weli-15 wekubusa kwa-Amasiya, umsa waJowashi, inkhosi yakaJuda, ka-Israyeli kwabekwa Jerobowamu, umsa waJehoyashi, kutsi abe yinkhosi. Wabusela eSamariya iminyaka lengema-41.

2 Emakhosi 14:25

Nguye lowabuyisela iminyele yaka-Israyeli kusukela eLebo Hamathi kuye eLwandle lwase-Arabha, njengekusho kwelivi laSimakadze, Nkulunkulu wema-Israyeli, lalikhuluma ngenceku yakhe Jona, umsa wa-Amithayi, umphrofethi waseGathi Heferi.

2 Emakhosi 21:6

Wanikela ngendvodzana yakhe kutsi ishiswe ngemlilo, wangenela bungoma nemilingo, wabuye watihlanganisa nalabanemadloti kanye nalabaphengulako. Wenta lokubi kakhulu emehlweni aSimakadze, wamtfukutselisa.

2 Emakhosi 3:3

Noko wajinge wanamatsela etonweni taJerobowamu, umsa waNebati, leto ladvonsela ngato sive saka Israyeli ekoneni; akazange esuke kuto.

Tihlabelelo 106:20

Bamnyembenya lowo abeludvumo lwabo, bakhetsa sitfombe senkhomo ledla tjani.

Amose 7:10

Amasiya, umphristi waseBetheli, watfumela sigijimi kuJerobowamu, inkhosi yaka-Israyeli, watsi: “Amose wakha luzungu ngawe embusweni waka-Israyeli. Live lingeke liwamele onkhe lamavi akhe.

Amose 7:13

Ungaphindzi uphrofethe lapha eBetheli, ngobe lena yindzawo lekutsiwa ingcwele yenkhosi, nelithempeli lembuso.”

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Amose 7:9

“Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”

Dutheronomi 9:18

“Ngaphindza ngatitfoba ngakhotsama kuSimakadze futsi emalanga langema-40 nebusuku lobungema-40; ngangingadli kudla nginganatsi nemanti, ngenca yato tonkhe tono lenase nitentile, ngekwenta lokubi kuSimakadze, ngaloko namcunula, wase uyatfukutsela.