2 Emakhosi 12:9 - Siswati 1996 Bible

⁹ Umphristi Jehoyada watsatsa libhokisi, wabhobosa imbobo lapha esivalweni salo, wase ulibeka lapha eceleni kwelilati ngesekudla salo, nawungena ethempelini laSimakadze. Baphristi lababeciza umnyango babefaka kulelibhokisi yonkhe imali leyayiletfwe bantfu ethempelini laSimakadze.

2 Emakhosi 12:9 ပူးပေါင်းရင်းမြစ်များ

2 Emakhosi 12:8

Baphristi bavuma kutsi bangeke basayitsatsa imali kubantfu nekutsi lithempeli lingeke lisakhiwa kabusha ngibo.

2 Emakhosi 22:4

“Hamba uye kuHilkiya, umPhristi Lomkhulu, umtjele alungise lemali beyiletfwa kuSimakadze ethempelini, lebeyitsatfwa ngulabomahlalesangweni kubantfu.

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Emakhosi 25:18

Lendvuna yabomahlalesangweni yatfumba Seraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.

1 Tikhronike 15:18

kwatsi emvakwabo kwalandzela bomnakabo: boZakhariya, naJaziyeli, naShemiramothi, naJehiyeli, na-Uni, na-Eliyabe, naBhenaya, naMaseya, naMathithiya, na-Elifelehu, naMikneya, na-Obedi Edomu kanye naJeyiyeli, bomahlalesangweni.

1 Tikhronike 15:24

BoShebaniya, naJosafati, naNethaneli, na-Amasayi, naZakhariya, naBhenaya kanye na-Eliyezeri bona bekubaphristi lekwakufanele bashaye emacilongo embikwelibhokisi lesivumelwane saNkulunkulu. Bo-Obedi Edomu naJehiya nabo bakhetselwa kutsi babe bomahlalesangweni belibhokisi lesivumelwane.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Jeremiya 35:4

Ngabangenisa endlini yaSimakadze, ekamelweni lemadvodzana aHanana, umsa wa-Igdaliya, umuntfu waNkulunkulu. Laliseceleni kwelikamelo letindvuna, lelalingetulu kwaleli laMaseya, umsa waShalumi, labengumahlalesangweni.

Jeremiya 52:24

Indvuna yabomahlalesangweni yatfumba boSeraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.

Makho 12:41

Jesu wahlala phansi macondzana nelibhokisi leminikelo, wabukela ticuku tinikela tifaka timali ebhokisini. Labanyenti lababenjingile bafaka timali letinkhulu.

Lukha 21:1

Jesu abebukela tinjinga tibeka iminikelo ebhokisini leminikelo yelithempeli,