2 Emakhosi 12:7 - Siswati 1996 Bible

⁷ Ngako-ke inkhosi Jowashi yabita Jehoyada, umphristi, kanye nalabanye baphristi, yababuta, yatsi kubo: “Anilakhi ngani kabusha lelithempeli, lapho selihhihlike khona? Ningasaphindzi-ke nitsatse imali kubagcini betimali, kodvwa niboyendlulisela ekwakhiweni kabusha kwelithempeli.”

2 Emakhosi 12:7 ပူးပေါင်းရင်းမြစ်များ

2 Emakhosi 11:4

Kwatsi ngemnyaka wesikhombisa Jehoyada, umphristi, watfumela kwalandvwa tindvuna temakhulu, tasesigodlweni, netabomahlalesangweni, watsi atiletfwe kuye ethempelini laSimakadze. Wenta sivumelwane nato watifungisa asethempelini laSimakadze. Wase utikhombisa lendvodzana yenkhosi.

2 Emakhosi 12:2

Jowashi wenta lokuhle emehlweni aSimakadze ngaso sonkhe sikhatsi abelulekwa ngumphristi Jehoyada.

2 Emakhosi 12:6

Kodvwa kwaze kwaba ngumnyaka wema-23 wekubusa kwenkhosi Jowashi solomane baphristi bangakalakhi kabusha lithempeli.

2 Emakhosi 12:8

Baphristi bavuma kutsi bangeke basayitsatsa imali kubantfu nekutsi lithempeli lingeke lisakhiwa kabusha ngibo.

1 Tikhronike 21:3

Kodvwa Jowabe waphendvula watsi: “Shangatsi Simakadze angawandzisa ngalokuphindvwe kalikhulu emabutfo akhe. Nkhosi yami, nkhosi, kungabe kambe bonkhe labo bantfu akusibo bantfu benkhosi yami yini? Inkhosi yami ifunelani kukwenta loko? Ifunelani inkhosi yami kwehlisela licala etikwema-Israyeli?”

2 Tikhronike 23:1

Kwatsi ngemnyaka wesikhombisa Jehoyada waticinisa emandla, wenta sivumelwane netindvuna temakhulu: bo-Azariya, umsa waJerohamu, na-Ishmayeli, umsa waJehohanani, na-Azariya, umsa wa-Obedi, naMaseya, umsa wa-Adaya, na-Elishafati, umsa waZikhri.

2 Tikhronike 24:16

Wangcwatjwa emadlizeni emakhosi eDolobheni laDavide ngenca yebuhle labebentile ka-Israyeli, abentela Nkulunkulu nelithempeli lakhe.

Hagayi 1:2

“Naku lokushiwo nguSimakadze longuSomandla, utsi: Labantfu batsi: ‘Sikhatsi asikefiki sekutsi kwakhiwe kabusha indlu yaSimakadze.’ ”