2 Emakhosi 12:4 - Siswati 1996 Bible

⁴ Jowashi wakhuluma kubaphristi, watsi: “Butsani yonkhe imali yeminikelo lengcwele leletfwa ethempelini laSimakadze: imali lebutfwa ngangekwesilinganiso semuntfu, nemali leyemukelwa etifungweni letentiwa ngumuntfu ngamunye, nemali yeminikelo yesihle leletfwa ethempelini.

2 Emakhosi 12:4 ပူးပေါင်းရင်းမြစ်များ

1 Emakhosi 3:2

Bantfu noko babesolomane basanikela ngemihlatjelo etindzaweni letiphakeme, ngobe lithempeli lalisolomane lingakapheli kwakhiwa, lakhelwe Libito laSimakadze.

1 Emakhosi 3:3

Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.

1 Emakhosi 7:1

Solomoni kwamtsatsa iminyaka leli-13 kutsi acedze kwakha sigodlo sakhe.

2 Emakhosi 12:18

Kodvwa Jowashi, inkhosi yakaJuda, yatsatsa tonkhe timphahla letingcwele letatinikelwe boyisemkhulu, Jehoshafati, naJehoramu, na-Ahaziya, emakhosi akaJuda; watsatsa nato tonkhe tipho letatinikelwe nguye cobo lwakhe, nayo yonkhe igolide leyatfolakala endlini yengcebo, ethempelini laSimakadze, nasesigodlweni senkhosi, watitfumela kuHazayeli, inkhosi yaseSiriya, lowase uyayiyekela iJerusalema, wangabe asayihlasela.

2 Emakhosi 12:5

Wonkhe umuntfu longumphristi akabelwe imali ngulomunye webagcini betimali, isetjentiswe ekwakheni kabusha konkhe lokutfolakale ethempelini kutsi sekonakele.”

2 Emakhosi 14:4

Kodvwa tindzawo letiphakeme tekukhontela tithico tona atizange tisuswe; bantfu babechubeka banikelela kuto imihlatjelo yekushiswa, batfuncisa nemphepho khona.

2 Emakhosi 15:4

Tindzawo letiphakeme tekukhontela tithico noko tona atizange tisuswe, bantfu bachubeka kunikelela kuto ngemihlatjelo, batfuncisa nemphepho khona.

2 Emakhosi 16:4

Wanikela nangemihlatjelo, watfuncisa imphepho etindzaweni letiphakeme, nasetulu eticongweni temagcuma, nangephansi kwetihlahla letikhulu letendlala emagala ato.

2 Emakhosi 17:11

Kuto tonkhe letindzawo letiphakeme, babetfuncisa imphepho njengaletive Simakadze latidvungulula ngesikhatsi ema-Israyeli efika. Benta tintfo letimbi letamcunula Simakadze waze watfukutsela.

2 Emakhosi 22:4

“Hamba uye kuHilkiya, umPhristi Lomkhulu, umtjele alungise lemali beyiletfwa kuSimakadze ethempelini, lebeyitsatfwa ngulabomahlalesangweni kubantfu.

1 Tikhronike 18:11

Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe letive beyitincobile yatitfumba: ema-Edomu, nemaMowabi, nema-Amoni, nemaFilisti kanye nema-Amaleki.

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

2 Tikhronike 15:18

Wangenisa ethempelini laNkulunkulu isiliva negolide kanye netintfo letatinikelwe nguye baneyise.

2 Tikhronike 31:12

Bantfu bayiletsa ngekwetsembeka lokukhulu iminikelo, nekwelishumi kanye netipho letatinikelwe. Khonaniya, umLevi, abengamele tonkhe letintfo; umsiti wakhe bekunguShimeyi, umnakabo.

2 Tikhronike 35:2

Josaya wabeka baphristi emsebentini wabo, wabakhutsata kutsi bakhonte ethempelini laSimakadze.

Ezra 1:6

Bonkhe bomakhelwane babo babasita ngetintfo tesiliva, netegolide, nangetimphahla, nangetifuyo, nangetipho letiligugu kanye nangeminikelo yesihle.

Ezra 2:69

Banikela ngekwemandla abo esikhwameni salomsebenti, kwaba ngemakhilogremu labengaba ngema-500 egolide, nemakhilogremu labengaba ti-2 800 esiliva kanye netingubo tebaphristi letatilikhulu.

Ezra 7:16

uhambe nesiliva negolide yonkhe longayitfola eveni laseBhabhulona kanye neminikelo yesihle yebantfu nebaphristi labayinikelela lithempeli laNkulunkulu wabo eJerusalema.

Eksodusi 35:22

Beta bonkhe lababenetinhlitiyo letivumako, labadvuna nalabasikati: baletsa tonkhe tinhlobo temhlobiso, letatentiwe ngegolide, baletsa ticobosho temhlobiso, nemacici, netindandatho, nebuhlalu bekwegaba. Bonkhe baletsa igolide yabo, kwaba ngumnikelo wekujikitiswa kuSimakadze.

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 35:5

Tsatselani Simakadze umnikelo kuloko leninako. Wonkhe lonenhlitiyo levumako akaletse umnikelo kuSimakadze: umnikelo wegolide, newesiliva, newelitfusi,

Eksodusi 36:3

Batsatsa kuMosi tonkhe timphahla tekwakha indzawo lengcwele. Letimphahla nguleto letatinikelwe ngema-Israyeli, wona abechubeka aletsa iminikelo kuMosi onkhe emalanga ekuseni.

Levithikusi 27:31

Nangabe umuntfu afisa kuhlenga kwelishumi kwakhe, kufanele engete incenye yesihlanu yako enhlawulweni yako.

Lukha 21:4

ngobe laba labanye banikele ngalokusele ebunjingeni babo; kodvwa yena, njengobe aphuyile nje, unikele ngako konkhe labengahle aphile ngako.”