2 Emakhosi 12:10 - Siswati 1996 Bible

¹⁰ Babetsi bangabona kutsi seyinyenti imali kulelibhokisi, bese bayeta bomabhalane benkhosi nemphristi lomkhulu, bafike bayibale yonkhe lemali leseyiletfwe ethempelini laSimakadze, bese bayiwolela etikhwameni.

2 Emakhosi 12:10 ပူးပေါင်းရင်းမြစ်များ

2 Samuweli 20:25

Sheva abengumabhalane; boSadoki na-Abiyatha bona bekubaphristi.

2 Samuweli 8:17

BoSadoki, umsa wa-Ahitubi, kanye na-Ahimeleki, umsa wa-Abiyatha, bona babebaphristi; Seraya yena abengumabhalane.

2 Emakhosi 12:11

Babetsi bangayibala lemali, bese bayinika labo lababebekwe kutsi bengamele kwakhiwa kwelithempeli. Bona-ke babeholela laba labasebentako lapha ethempelini laSimakadze: lababatako,

2 Emakhosi 19:2

Watfumela bo-Eliyakimu, indvuna yasesigodlweni, naShebna, labengumabhalane, kanye nebaholi bebaphristi, bonkhe bagcoke emasaka baya kumphrofethi Isaya, umsa wa-Amose.

2 Emakhosi 22:12

Yase ikhuluma kuboHilkiya, umphristi, na-Ahikamu, umsa waShafani, na-Akbori, umsa waMikhaya, naShafani, labengumabhalane, kanye na-Asaya, inceku yenkhosi, yatsi:

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Emakhosi 5:23

Namani wakhuluma watsi: “Ngicela sale sewutsatsa isiliva lengemakhilogremu langaba ngema-68.” Wabelesela Gehazi ngaloko kutsi akwemukele, wabe sewuyambophela etikhwameni letimbili kanye netimphahla letimbili tekuntjintja. Wakunika tinceku takhe letimbili, tametfwalela, tihamba embikwaGehazi.

1 Tikhronike 9:19

Shalumi, umsa waKhore, umsa wa-Abiyasafa, umsa waKhora, kanye nabomahlalesangweni bemndeni wakhe, emaKhora, bona umsebenti wabo bekukugadza etimphundvwini telithende, njengobe naboyise umsebenti wabo bekukugadza lisango lekungena endlini yaSimakadze.

2 Tikhronike 24:11

Kwakutsi njalo nje lelibhokisi lemnikelo naliletfwa ngemaLevi etindvuneni tenkhosi, kubonakala kutsi kunencumbi yemali, mabhalane wenkhosi nendvuna yemPhristi Lomkhulu bese bayeta batekulitfulula balibuyisele endzaweni yalo. Loko bakwenta sikhatsi lesidze, baze babutsa tindvodla temali.

Ezra 3:7

Base bakhipha imali bayinika bakhi nebabati, bapha bantfu baseSidoni naseThire kudla, nesinatfo kanye nemafutsa; babentela kutsi khona batekubaletsela tingodvo temisedari ngelwandle, kusuka eLebanoni kuye eJopha, njengobe bekusho Khuresi, inkhosi yasePheresiya.