2 Emakhosi 11:2 - Siswati 1996 Bible

² Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

2 Emakhosi 11:2 ပူးပေါင်းရင်းမြစ်များ

1 Emakhosi 11:17

Kodvwa Hadadi, labesengumfanyana, wabaleka waya eGibhithe kanye naletinye tinceku taka-Edomu letatisebentela uyise.

1 Emakhosi 6:10

Emaceleni kutungeleta lelithempeli wakha emakamelo. Lilinye lalamakamelo lalingemamitha labengaba mabili nesigamu kuphakama, abehlanganiswe ngetingodvo temisedari kulelithempeli.

1 Emakhosi 6:8

Umnyango lowawungena kulesiyilo lesasingephansi wawungaseningizimu yelithempeli; bekunetitebhisi letatenyuka tingene endlini lesemkhatsini, tendlule lapho tingene endlini yesitsatfu lengetulu kwato tonkhe.

2 Emakhosi 11:21

Jowashi abeneminyaka lesikhombisa nakacala kubusa.

2 Emakhosi 11:3

Wahlala abhaciswe naJehosheba, ethempelini laSimakadze iminyaka lesitfupha ngesikhatsi kusabusa Athaliya eveni.

2 Emakhosi 12:1

Ngemnyaka wesikhombisa waJehu, inkhosi yaka-Israyeli, Jowashi wabekwa waba yinkhosi yakaJuda, wabusela eJerusalema iminyaka lengema-40. Libito lenina bekunguSibiya waseBherisheba.

2 Emakhosi 8:16

Ngemnyaka wesihlanu wekubusa kwaJoramu, umsa wa-Ahabi inkhosi yaka-Israyeli, ngesikhatsi Jehoshafati ayinkhosi yakaJuda, Jehoramu, umsa wa-Jehoshafati wacala kuba yinkhosi yakaJuda.

2 Emakhosi 8:19

Noko ngenca yenceku yakhe Davide, Simakadze abengakatimiseli kubhubhisa sive sakaJuda. Abetsembisile kutsi uyawutigcinela sibane endlini yakaDavide kuze kube phakadze.

1 Tikhronike 3:11

kweta Jehoramu, umsa wakhe, kweta Ahaziya, umsa wakhe, kweta Jowashi, umsa wakhe,

2 Tikhronike 22:11

Kodvwa Jehosheba, indvodzakati yenkhosi Jehoramu, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala, ngobe Jehosheba, indvodzakati yenkhosi Jehoramu, lebengumfati wemphristi Jehoyada, abengudzadzewabo-Ahaziya. Wamfihla-ke lomntfwana ku-Athaliya kuze kutsi angambulali.

Eksodusi 8:3

Umfula iNayili utawugcwala tigogodvolo, tize tenyukele ngisho nasesigodlweni sakho, nasekamelweni lakho lekulala, nasembhedzeni wakho, nasetindlini tetiphatsimandla takho, nakutakhamiti takho, nakubohhavini bakho, nasetitjeni tenhlama.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 37:35

“Ngitalivikela lelidolobha ngilisindzise, ngenca yami nangenca yenceku yami Davide.”

Jeremiya 33:17

“Ngobe naku lokushiwo nguSimakadze, utsi: ‘Davide ngeke eswele indvodza leyawuhlala esihlalweni sebukhosi sendlu yaka-Israyeli,

Jeremiya 33:21

ngako sivumelwane sami naDavide, inceku yami, kanye nesivumelwane sami nemaLevi labaphristi labakhonta embikwami, naso-ke siyakwephulwa, naDavide ngeke abe asaba nesitukulwane lesitawubusa esihlalweni sakhe sebukhosi.

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 35:2

“Hamba uye emndenini wemaRekhabi, ubameme kutsi bete kulelinye lemakamelo lasemhlubulweni wendlu yaSimakadze, ubanike liwayini kutsi banatse.”

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Hezekeli 40:45

Lendvodza yangitjela kutsi lelikamelo lelibheke ngaseningizimu lalilebaphristi lababekhonta ethempelini,

Tikhulu 9:5

Wahamba waya kubo e-Ofra, wafike labanakabo lababengema-70, emadvodzana aJerubhali, wawabulalela etikwelitje linye. Kodvwa Jothamu, litfunjana laJerubhali, waphunyula ngobe wabhaca.