2 Emakhosi 11:17 - Siswati 1996 Bible

¹⁷ Jehoyada wase wenta sivumelwane emkhatsini waSimakadze nenkhosi nesive kutsi sebayawuba sive saSimakadze, wachubeka wenta sivumelwane emkhatsini webantfu nenkhosi.

2 Emakhosi 11:17 ပူးပေါင်းရင်းမြစ်များ

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

2 Emakhosi 11:4

Kwatsi ngemnyaka wesikhombisa Jehoyada, umphristi, watfumela kwalandvwa tindvuna temakhulu, tasesigodlweni, netabomahlalesangweni, watsi atiletfwe kuye ethempelini laSimakadze. Wenta sivumelwane nato watifungisa asethempelini laSimakadze. Wase utikhombisa lendvodzana yenkhosi.

2 Emakhosi 23:3

Inkhosi yema eceleni kwensika yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe kanye netimiso takhe ngayo yonkhe inhlitiyo yayo nangawo wonkhe umphefumulo wayo, ngaloko yacinisa kwemukela emavi esivumelwane labhalwe kulencwadzi. Bonkhe bantfu batifaka kuleso sivumelwane.

1 Tikhronike 11:3

Batsi kube befike bonkhe baholi bema-Israyeli enkhosini Davide eHebroni, wenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli, njengobe Simakadze abetsembisile ngaSamuweli.

2 Tikhronike 23:16

Jehoyada wase wenta sivumelwane sekutsi yena, nesive, nenkhosi bayawuba sive saSimakadze.

2 Tikhronike 29:10

“Manje sengitimisele kwenta sivumelwane naSimakadze Nkulunkulu wema-Israyeli, kuze kutsi intfukutselo yakhe leyesabekako itewusuka lapha kitsi.

2 Tikhronike 34:31

Inkhosi yema eceleni kwensika yayo yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe, kanye netimiso takhe, ngayo yonkhe inhlitiyo yayo, nangawo wonkhe umphefumulo wayo, nekulalela emavi esivumelwane labhalwe kulencwadzi.

Ezra 10:3

Manje asente sivumelwane embikwaNkulunkulu wetfu kutsi sitewubancandzekisa bonkhe labafati nalabantfwana, njengobe lomholi wami eluleka kanye nalabo labesaba imiyalo yaNkulunkulu. Loko akwentiwe ngekulandzela umtsetfo.

Nehemiya 9:38

“Ngetulu kwako konkhe loku, sesitibopha ngesivumelwane lesitakubhalwa phansi, kutawutsi baholi betfu, nemaLevi etfu kanye nebaphristi betfu basisayine ngekufaka tigcivito tabo kuso.”

Jeremiya 34:8

Livi laSimakadze lefika kuJeremiya emvakwekutsi inkhosi Sedekiya seyente sivumelwane nabo bonkhe bantfu baseJerusalema kutewumemetela inkhululeko yetigcili.

2 kubaseKorinthe 8:5

Loko-ke sasingakakubheki; ngobe bacale batinikela bona eNkhosini, base-ke batetfula kitsi ngekwentsandvo yaNkulunkulu.

Joshuwa 24:25

Ngalelo langa Joshuwa bantfu wabentela sivumelwane, khona lapho eShekhemu wase ubabhalela timiso nemitsetfo.

1 Samuweli 10:25

Samuweli wachazela sive imitsetfo yebukhosi. Wayibhala phansi encwadzini legocotwako, wayetfula embikwaSimakadze. Samuweli wase uyasicitsa sive; nguloyo naloyo waya ekhaya lakhe.