2 Emakhosi 11:12 - Siswati 1996 Bible

¹² Jehoyada wase ukhipa lomntfwanenkhosi wametfwesa umchele webukhosi, wamnika incwadzi yesivumelwane, wase umemetela kutsi uyinkhosi. Bamgcoba, bantfu base bashaya tandla, bamemeta, batsi: “Lunwele loludze, nkhosi.”

2 Emakhosi 11:12 ပူးပေါင်းရင်းမြစ်များ

2 Samuweli 1:10

“Ngako ngivele ngema ngenhla kwakhe, ngambulala, ngobe ngatile kutsi njengobe asawile angeke aphindze asindze. Ngibese ngitsatsa lomchele lobewusenhloko yakhe kanye nelibhengela lelisemkhonweni wakhe, ngakuletsa lapha enkhosini yami.”

2 Samuweli 12:30

Watsatsa umchele lowawusenhloko yalenkhosi yema-Amoni, sisindvo segolide yawo lesasingemakhilogremu labengaba ngema-34, wawunematje laligugu; wafakwa enhloko yaDavide. Watsatsa imphango lenyenti kabi kulelo dolobha,

2 Samuweli 16:16

Hushayi, um-Akhi, umngani lomkhulu waDavide, wase uya ku-Absalomu, wafike watsi kuye: “Bayethe! Lunwele loludze! Phila uze ukhokhotele.”

2 Samuweli 2:4

Emadvodza akaJuda eta eHebroni, afike amgcobela lapho Davide kutsi abe yinkhosi etikwendlu yakaJuda. Watsi kube Davide eve kutsi emadvodza aseJabeshi Gileyadi ngiwo labengcwabe Sawula,

2 Samuweli 2:7

Manje-ke, cinani nibe nesibindzi, ngobe Sawula, inkhosi yenu, sewufile, kodvwa indlu yakaJuda seyigcobe mine kutsi ngibe yinkhosi etikwayo.”

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

1 Emakhosi 1:25

Lamuhla nje Adoniya sewehlile wayakwenta umhlatjelo ngetinkhomo letinyenti, nangematfole lakhuluphalisiwe, nangetimvu letinyenti. Umeme bonkhe bantfwabenkhosi, netindvuna temphi, na-Abiyatha, umphristi. Manje nje bayadla banatsa naye, batsi: ‘Lunwele loludze! Nkhosi Adoniya!’

1 Emakhosi 1:34

Nitawutsi ningefika lapho, boSadoki, umphristi, naNathani, umphrofethi, batawube sebayamgcoba, bambeke abe yinkhosi etikwema-Israyeli. Nibobe senishaya kakhulu impalampala, nimemete nitsi: ‘Lunwele loludze! Nkhosi Solomoni!’

1 Emakhosi 1:39

Sadoki, umphristi, watsatsa luphondvo lwemafutsa ethendeni lelingcwele, wagcoba ngawo Solomoni. Base bashaya impalampala, bonkhe bantfu bamemetela batsi: “Lunwele loludze! Nkhosi Solomoni!”

1 Emakhosi 2:44

Inkhosi yachubeka yakhuluma kuShimeyi, yatsi: “Nawe uyakwati enhlitiyweni yakho konkhe lokubi lowakwenta kubabe Davide. Manje-ke Simakadze utakukhokhela ngaloko lokubi lowakwenta.

2 Emakhosi 11:11

Labomahlalesangweni, ngulowo abambe tikhali takhe, batihlela basingatsa inkhosi, edvute nelilati kanye nelithempeli, kusukela ngaseningizimu kuze kuye ngasenyakatfo kwelithempeli.

2 Emakhosi 11:2

Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

2 Emakhosi 11:4

Kwatsi ngemnyaka wesikhombisa Jehoyada, umphristi, watfumela kwalandvwa tindvuna temakhulu, tasesigodlweni, netabomahlalesangweni, watsi atiletfwe kuye ethempelini laSimakadze. Wenta sivumelwane nato watifungisa asethempelini laSimakadze. Wase utikhombisa lendvodzana yenkhosi.

2 Emakhosi 9:13

Besuka lapho bamphutfuma bamendlalela emajazi abo etikwetitebhisi, ngaphansi kwetinyawo takhe. Base bashaya emacilongo bamemetela batsi: “Jehu yinkhosi!”

2 Emakhosi 9:3

Ubobe sewutsatsa loluphondvo lwemafutsa umtsele ngalamafutsa enhloko yakhe utsi: ‘Naku lakushoko Simakadze: “Ngikugcoba kuba yinkhosi etikwesive saka-Israyeli,” ’ usuke lapho uvule umnyango ucele empunzini, ungalibali!”

2 Tikhronike 23:11

BoJehoyada nemadvodzana akhe base bakhipha lomntfwanenkhosi, bametfwesa umchele webukhosi, bamnika incwadzi yesivumelwane, bamemetela kutsi uyinkhosi. Bamgcoba, base bayamemeta batsi: “Lunwele loludze, nkhosi!”

Esta 2:17

Inkhosi yatsatseka nga-Esta, kwendlula onkhe lawa lamanye emantfombatana. Yatsandza Esta ngetulu kwawo onkhe emantfombatana, ngako yamkhetsa emkhatsini wawo yametfwesa umchele webukhosi, yambeka waba yinkhosikati lenkhulu esikhundleni saVashti.

Esta 6:8

ayimembese ngengubo yebukhosi leyembatfwa ngiyo, imekhwete ehhashini layo lelifakwe umchele webukhosi.

Tihlabelelo 132:18

Titsa takhe ngiyawutembesa ngelihlazo, kodvwa umbuso wakhe uyawuphumelela uchume.”

Tihlabelelo 21:3

Uyihlangabete ngetibusiso letinalokuhle, wayetfwesa enhloko yayo umchele wegolide lecengekile.

Tihlabelelo 21:4

Yacela imphilo kuwe, wena wayipha emalanga lamadze phakadze naphakadze.

Tihlabelelo 47:1

Nonkhe nine tive, shayani tandla. Hlokomani, nidvumise Nkulunkulu!

Tihlabelelo 78:5

Wamisa bufakazi kubakaJakobe, washaya umtsetfo esiveni saka-Israyeli; wayala ngawo bokhokho betfu kutsi bawufundzise bantfwababo,

Tihlabelelo 89:39

Sewusicitsile sivumelwane senceku yakho, umchele wayo uwutsele ngelihlazo, wawudzicela phansi.

Tihlabelelo 98:8

Imifula ayishaye tandla ibetsele. Tintsaba tihlabele kanyekanye ngenjabulo

Eksodusi 25:16

Ekhatsi kwalelibhokisi ubofaka letibhelekeca tematje letimbili lengitakunika tona.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Isaya 8:16

Bophisisa lobufakazi, uvalele umtsetfo wami emkhatsini webafundzi bami.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Danyela 3:9

Bakhuluma enkhosini Nebukhadnezari, batsi: “Bayethe nkhosi, lunwele loludze! Wena waphakathi!

Danyela 6:21

Danyela waphendvula watsi: “Lunwele loludze, nkhosi!

Matewu 21:9

Leticumbi letatihamba embikwakhe naletatimlandzela tatimemeta titsi: “Hosana kuyo iNdvodzana yaDavide! Ubusisiwe lotako egameni leNkhosi! Hosana kulelisetulu kakhulu!”

Matewu 27:29

Lase leluka umchele ngemanyeva, lawufaka enhloko yakhe, lambambisa umhlanga ngesekudla, laguca embikwakhe, lamphukuta latsi: “Bayethe! Nkhosi yemaJuda!”

Imisebenti yebaPhostoli 4:27

“Nembala kulelidolobha Herodi naPhontiyuse Philatu bahlangana ndzawonye nebetive, nebaka-Israyeli baphambana naJesu, Sisebenti sakho lesiNgcwele, lowasenta kutsi sibe nguKhristu.

2 kubaseKorinthe 1:21

NguNkulunkulu losicinisako tsine kanye nani kuKhristu. NguNkulunkulu futsi lowasigcoba,

KumaHebheru 1:9

Utsandze kulunga, watondza bubi; ngako-ke, Nkulunkulu, longuNkulunkulu wakho, ukugcobe ngemafutsa enjabulo ngetulu kwabomnakenu.”

KumaHebheru 2:9

Kodvwa lesimbonako nguJesu, lowentiwa waba mncane kunetingilosi kwesikhashana. Wetfweswa umchele webukhosi neludvumo ngenca yekuhlupheka kwekufa. Kwaya ngebubele baNkulunkulu kutsi Jesu eve kufa ngenca yebantfu bonkhe.

Sembulo 19:12

Emehlo akhe abenjengemalangabi emlilo, enhloko yakhe bekunemichele leminyenti; abenelibito lebelibhaliwe lelingatiwa ngumuntfu ngaphandle kwakhe.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 10:24

Samuweli watsi kubantfu: “Niyambona-ke umuntfu lokhetfwe nguSimakadze? Kute namunye lofanana naye kubo bonkhe labanye bantfu.” Sive sonkhe samemeta satsi: “Lunwele loludze! Nkhosi!”

1 Samuweli 16:13

Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.