2 Emakhosi 10:5 - Siswati 1996 Bible

⁵ Ngako indvuna yasesigodlweni, neyasedolobheni, nebaholi, kanye nebacizi bebantfwana batfumela umlayeto kuJehu, batsi: “Sitinceku takho, sitakwenta nome ngabe yini lotsi asiyente. Ngeke sibeke muntfu kutsi abe yinkhosi yetfu; yenta loko lokubona kutsi kuncono.”

2 Emakhosi 10:5 ပူးပေါင်းရင်းမြစ်များ

1 Emakhosi 20:32

Ngako bavunula emasaka etinkhalweni tabo, babopha tinhloko tabo ngetintsambo, bahamba baya enkhosini yaka-Israyeli bafike batsi: “Inceku yakho Bheni Hadadi itsi: ‘Ngicela kutsi ungangibulali.’ ” Inkhosi yaphendvula yatsi: “Usaphila yini? Phela ungumnaketfu.”

1 Emakhosi 20:4

Inkhosi yaka-Israyeli yaphendvula, yatsi: “Kunjengobe usho, nkhosi yami, mine nako konkhe lenginako kwakho.”

2 Emakhosi 10:6

Jehu wase ubhala lenye incwadzi yesibili, watsi: “Nangabe nime ngakimi futsi nitangilalela, tsatsani tinhloko temadvodzana enkhosi yenu, bese nita nato lapha kimi eJezreyeli kusasa ngalesikhatsi.” Manje bantfwabenkhosi labangema-70 nabo babekanye nebaholi belidolobha laseSamariya, lababengubona babakhulisa.

2 Emakhosi 18:14

Ngako Hezekiya, inkhosi yakaJuda, wase utfumela umlayeto enkhosini yase-Asiriya, eLakhishi, watsi: “Ngonile. Ngicolele, ngitakunika konkhe lokufuna kimi.” Inkhosi yase-Asiriya yamgulula Hezekiya, inkhosi yakaJuda, ngekumkhokhisa emakhilogremu labengaba ti-10 000 etinhlavu tesiliva, kanye nemakhilogremu labengaba yinkhulungwane yetinhlavu tegolide.

Jeremiya 27:17

Ningabalaleli. Khontani inkhosi yaseBhabhulona, nitawuphila. Lelidolobha lingaba yincitsakalo leni?

Numeri 11:12

Bemitfwa ngimi yini bonkhe labantfu? Batalwa ngimi yini, kutsi ungaze ungitjele kutsi angibagone ngemikhono njengesidzandzane nasiphetse luswane, ngize ngiyewubangenisa eveni lowaletsembisa bokhokho babo ngesifungo?

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

Joshuwa 9:11

Baholi betfu nabo bonkhe labahlala eveni letfu basitfumile, batsi: ‘Tsatsani imiphako yendlela yenu, nihambe niyewuhlangabeta baka-Israyeli nitsi kubo: “Sitinceku tenu; yentani sivumelwane natsi.”

Joshuwa 9:8

LamaHivi akhuluma kuJoshuwa, atsi: “Sitinceku takho.” Kodvwa Joshuwa wawabuta watsi: “Nibobani nine? Niphumaphi?”