2 Emakhosi 10:21 - Siswati 1996 Bible

²¹ Ngako watfumela livi kulo lonkhe laka-Israyeli. Bonkhe lababekhonta Bhali baphelela ngetinkhani, kwabate ngisho namunye lowasala. Bagcwala lithempeli laBhali kusuka ekucaleni kwayawuphuma ekugcineni.

2 Emakhosi 10:21 ပူးပေါင်းရင်းမြစ်များ

1 Emakhosi 16:32

Wamisa lilati laBhali ethempelini laBhali, lalakha khona eSamariya.

2 Emakhosi 10:22

Jehu wakhuluma kulomgcini wetembatfo, watsi: “Buyisa tembatfo tabo bonkhe lababekhonta Bhali.” Nembala watiletsa.

2 Emakhosi 11:18

Bonkhe bantfu bakulelo live baya ethempelini laBhali balibhidlita. Badzilita nemalati akhe kanye naletithico, kwaba tincetu, babulala naMathani, umphristi waBhali, bambulalela embikwalamalati. Jehoyada, umphristi, wase umisa bomahlalesangweni basethempelini laSimakadze.

Joweli 3:2

ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.

Sembulo 16:16

Lemimoya yabutsela ndzawonye emakhosi endzaweni lekutsiwa yi-Amagedoni ngesiHebheru.

Tikhulu 16:27

Lelithempeli laligcwele linhlinhla emadvodza, nebafati, nabo bonkhe baholi bemaFilisti babekhona lapho; lapha etulu eluphahleni kwakunebantfu lababengacishe babe ti-3 000, emadvodza nebafati lababebukela kugidza kwaSamsoni.