2 Emakhosi 10:19 - Siswati 1996 Bible

¹⁹ Manje-ke butsani bonkhe baphrofethi baBhali, nalabamkhontako, kanye nebaphristi bakhe, nibone kungasali ngisho namunye wabo, ngobe ngitakwenta lomkhulu umhlatjelo waBhali. Lowo loyawusala akayiwuchubeka aphila kuleli.” Kodvwa abebayenga nje, entela kubulala lababekhonta Bhali.

2 Emakhosi 10:19 ပူးပေါင်းရင်းမြစ်များ

1 Emakhosi 18:19

Bita sonkhe sive eveni lonkhe laka-Israyeli kuyewuhlanganelwa eNtsabeni iKhameli. Letsa labaphrofethi baBhali labangema-450 kanye nebaphrofethi ba-Ashera labangema-400, labadla naJezebeli etafuleni lakhe.”

1 Emakhosi 22:6

Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Ngingaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”

2 Emakhosi 10:18

Jehu wabe sewubutsa sonkhe sive, wakhuluma kuso watsi: “Ahabi abekhonta Bhali kancane. Jehu utamkhonta kakhulu.

2 Emakhosi 3:13

Elisha wakhuluma enkhosini yaka-Israyeli, watsi: “Sihlangene ngani nje tsine nawe? Hamba uye kubaphrofethi beyihlo nakubaphrofethi benyoko uyewubuta kubo.” Inkhosi yaka-Israyeli yaphendvula, yatsi: “Cha, kungobe nguSimakadze lobitele tsine, makhosi lamatsatfu, ndzawonye, kuze asinikele esandleni saMowabi.”

Jobe 13:7

Ingabe lobubi nibukhulumela Nkulunkulu yini? Yona lenkhohliso niyikhuluma egameni lakhe yini?

Taga 29:5

Umuntfu lolutsa makhelwane wakhe ambonge ngelite, utetsiya yena.

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

2 kubaseKorinthe 4:2

Sesiyilahle yonkhe imisebenti yebumnyama neyelihlazo asiphili ngebucili, asiliphambanisi livi laNkulunkulu, kepha sibeka liciniso laNkulunkulu ebaleni, kunembeza webantfu bonkhe embikwaNkulunkulu.

1 kubaseThesalonika 2:3

Ngobe kushumayela kwetfu akusiko kwekuduka, nekwekungcola, nekwebucili.