2 Emakhosi 10:15 - Siswati 1996 Bible

¹⁵ Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

2 Emakhosi 10:15 ပူးပေါင်းရင်းမြစ်များ

Genesisi 31:55

Labani wavuka ngakusasa ekuseni ngetingweti, wanga batukulu bakhe nemadvodzakati akhe, wababusisa, wancandzeka wabuyela ekhaya kakhe.

Genesisi 47:10

Jakobe wase ubusisa Faro, wavalelisa, waphuma.

Genesisi 47:7

Josefa wabe sewungenisa Jakobe, uyise, wametfula kuFaro. Jakobe wakhulekela kuFaro amfisela tibusiso.

1 Emakhosi 20:33

Letindvuna taBheni Hadadi tashesha takutsatsa loko njengesibonakaliso sekwemukeleka, Ahabi nakatsi: “Yebo, Bheni Hadadi ungumnaketfu.” Ngako tasheshe tawaphindza lamavi latsi: “Yebo, Bheni Hadadi ungumnakenu!” Ahabi wakhuluma kuto, watsi: “Hambani nimlandze.” Watsi kube Bheni Hadadi efike, Ahabi wamcela kutsi ekhwele naye encoleni yakhe.

2 Emakhosi 10:13

wahlangana naletinye tihlobo ta-Ahaziya, inkhosi yakaJuda, watibuta watsi: “Nibobani nine?” Tamphendvula tatsi: “Sitihlobo ta-Ahaziya, sesehlele kutawubingelela imindeni yenkhosi neyendlovukazi.”

2 Emakhosi 10:14

Jehu watsi: “Batsatseni baphila.” Ngako babatsatsa baphila, bababulalela eceleni kweBhethi Ekedi; bekungemadvodza langema-42. Jehu wacotfula imbokodvo nesisekelo ka-Ahabi.

2 Emakhosi 9:21

Joramu watsi: “Bophelani incola yami.” Kwatsi nase tiboshelwe, Joramu, inkhosi yaka-Israyeli, na-Ahaziya, inkhosi yakaJuda, baphuma bajikeka ngetincola tabo, nguloyo agibele yakakhe incola, bayawuhlangabeta Jehu. Bahlangana naye kulesivini lesasisaNabothi waseJezreyeli.

1 Tikhronike 2:55

nemaSoferi, lekwakungimindeni yebabhali lababehlala eJabesi: emaThirathi, nemaShimeyathi, nemaSukathi. Laba-ke bekungemaKheni labevela kuHamathi, titukulwane tawo tatitekudzabuka emndenini waRekhabi.

Ezra 10:19

Bonkhe bahlanganisa tandla tabo betsembisa kubacosha labo bafati babo; macondzana naleso sono sabo ngulowo nalowo wakhipha sihhanca, saba ngumnikelo welicala.

Nehemiya 3:14

LiSango Lebulongo lona lavuswa nguMalkhiya, umsa waRekhabi, umbusi wesifundza saseBhethi Hakheremu. Walivusa, walifaka netivalo talo kanye nemavelevele alo nemishudvo yalo endzaweni yayo.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Jeremiya 35:2

“Hamba uye emndenini wemaRekhabi, ubameme kutsi bete kulelinye lemakamelo lasemhlubulweni wendlu yaSimakadze, ubanike liwayini kutsi banatse.”

Hezekeli 17:18

Wedzelela sifungo ngekwephula sivumelwane. Njengobe naye wafaka sandla kulesetsembiso, noko wenta tonkhe letintfo, kodvwa angeke aphunyule.

Imisebenti yebaPhostoli 8:31

Waphendvula watsi: “Ngingeva kanjani kute longichazelako nje?” Wase ucela yena Filiphu kutsi agibele ahlale eceleni kwakhe.

KubaseGalathiya 2:9

Batsi kube boJakobe, naPhetro, naJohane, labebatiwa ngekutsi batinsika, babone umusa lengiwuphiwe banika tsine naBhanabasi sandla sekudla sebudlelwane kutsi siye kubetive, bona baye kumaJuda.

KubaseGalathiya 4:12

Bazalwane, ngiyanincenga kutsi nibe njengami, njengobe nami nginjengani. Kute kona lenangona ngako;