2 Emakhosi 1:14 - Siswati 1996 Bible

¹⁴ Buka la, kwehle umlilo ezulwini wabhubhisa indvuna yekucala neyesibili kanye nalamadvodza betihamba nawo. Kodvwa ngicela umane uphephise imphilo yami!”

2 Emakhosi 1:14 ပူးပေါင်းရင်းမြစ်များ

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

Taga 6:26

Ngobe ingwadla ungayicasha ngemkhama wesinkhwa, kodvwa umgomo wemfati losiphingi kuhliphita nome kutfumba indvodza.

Tihlabelelo 116:15

Kuligugu emehlweni aSimakadze kufa kwalabangcwele bakhe.

Tihlabelelo 72:14

Ikhulula kuphila kwalabo labasekubandzetelweni nasebudloveni, ingati yabo iligugu emehlweni ayo.

Tihlabelelo 49:8

Ngobe phela kuhlengwa kwemphefumulo wakhe kubita kakhulu, kute intsengo lengakwenela

1 Samuweli 26:24

Njengobe ngisindzise imphilo yakho lamuhla, kanjalo, shangatsi naSimakadze angenta njalo kimi angikhulule kuto tonkhe tinhlupheko.”

1 Samuweli 26:21

Sawula wakhuluma watsi: “Ngonile. Buya, Davide, ndvodzana yami. Ngingeke ngiphindze ngetame kukulimata, ngobe imphilo yami uyisindzisile lamuhla. Impela ngibe silima, ngona kakhulu.”

2 Emakhosi 1:13

Inkhosi yaphindze yatfumela kwesitsatfu indvuna nemadvodza langema-50. Lendvuna yesitsatfu yenyuka, yafike yaguca embikwa-Elija, yamncenga yatsi: “Awu, muntfu waNkulunkulu, ngicela umane uhawukele mine, uphephise mine ekufeni kanye nalaba lengihamba nabo, emadvodza langema-50, tinceku takho!

2 Emakhosi 1:15

Ingilosi yaSimakadze yakhuluma ku-Elija, yatsi: “Yehla naye, ungamesabi.” Ngako Elija wasukuma wehla naye, waya enkhosini.