1 Tikhronike 9:31 - Siswati 1996 Bible

³¹ UmLevi lekwakutsiwa nguMathithiya, indvodzana leyayilitubulo laShalumi, umKhora, yena umsebenti wakhe bekukubhaka sinkhwa semnikelo.

1 Tikhronike 9:31 ပူးပေါင်းရင်းမြစ်များ

Genesisi 19:3

Kepha Loti watincenga kakhulu letingilosi, tadzimate taphambuka taya tangenisa endlini kakhe. Watentela lidzili, watibhakela sinkhwa lesite imbiliso, tadla.

1 Tikhronike 23:29

Babefanele banakekele sinkhwa sekubekwa etafuleni, nafulaha wemnikelo walokutinhlavu, nemacebelengwane langenambiliso kanye nekuphekwa nekubondvwa kwawo kanye nebungako bawo bebunyenti nesisindvo sawo.

1 Tikhronike 9:17

Bomahlalesangweni belithempeli lababehlala eJerusalema bekuboShalumi, na-Akhubi, naThalmoni, na-Ahimani kanye nabomnakabo. Shalumi abengumholi wabo.

1 Tikhronike 9:19

Shalumi, umsa waKhore, umsa wa-Abiyasafa, umsa waKhora, kanye nabomahlalesangweni bemndeni wakhe, emaKhora, bona umsebenti wabo bekukugadza etimphundvwini telithende, njengobe naboyise umsebenti wabo bekukugadza lisango lekungena endlini yaSimakadze.

1 Tikhronike 9:22

Sebabonkhe labakhetselwa kuba bomahlalesangweni etimphundvwini kwaba ngemadvodza langema-212. Babhaliswa ngetitukulwane tabo emitini yabo lababehlala kuyo. Bekuyinkhosi Davide nemphrofethi Samuweli lebababeka kutsi babe tetsenjwa talowo msebenti.

1 Tikhronike 9:26

Kodvwa bomahlalesangweni labakhulu labane bemaLevi bona bebanikwe umsebenti wekunakekela emakamelo kanye nengcebo endlini yaNkulunkulu.

Levithikusi 2:5

“Nangabe lomnikelo walokutinhlavu utfoswa ngelikesi, kufanele wentiwe ngafulaha lobhicwe nemafutsa emncumo kodvwa kubete imbiliso lefakwako.

Levithikusi 2:7

“Nangabe lomnikelo walokutinhlavu uphekwe ngelibhodo, kufanele wentiwe ngafulaha nemafutsa emncumo.

Levithikusi 6:14

“Lena-ke ngimitsetfo yeminikelo yalokutinhlavu. Emadvodzana a-Aroni kufanele etfule umnikelo walokutinhlavu kuSimakadze embikwelilati.

Levithikusi 6:21

Kufanele ibhicwe nemafutsa, bese iphekwa ngelikesi; uyente ibe tincetu leticotjiwe; kube ngumnikelo walokutinhlavu, kube liphunga lelinuka lusi lolumnandzi kuSimakadze.