1 Tikhronike 6:34 - Siswati 1996 Bible

³⁴ umsa wa-Elkhana, umsa waJerohamu, umsa wa-Eliyeli, umsa waThowa,

1 Tikhronike 6:34 ပူးပေါင်းရင်းမြစ်များ

1 Tikhronike 23:13

Emadvodzana a-Amramu: Bekubo-Aroni naMosi; Aroni wehlukaniselwa, yena kanye nentalelwane yakhe phakadze naphakadze kutsi bakhonte ngato tonkhe tintfo letingcwelengcwele tihlale tingcwele, bashise imphepho embikwaSimakadze, bakhonte ebukhoneni bakhe basho netibusiso ngeLibito lakhe phakadze naphakadze.

1 Tikhronike 24:1

Leti-ke bekuticheme temadvodzana a-Aroni: Emadvodzana a-Aroni bekuboNadabi, na-Abihu, na-Eleyazare, na-Ithamari.

1 Tikhronike 24:19

Lamadvodza-ke abhaliswa ngekulandzelana kwekukhonta kwawo lokwakumisiwe, kwetikhatsi tekungena kwawo ethempelini laSimakadze, njengekwemininingwane yemiyalo labekelwa yona nguyisemkhulu Aroni, njengobe Simakadze, Nkulunkulu wema-Israyeli, abeshito kuye.

1 Tikhronike 6:33

Nankha-ke lamadvodza labekhonta kanye nemadvodzana awo: Esiveni semaKhohati bekunguHemani, umhlabeli, umsa waJoweli, umsa waSamuweli,

1 Tikhronike 6:35

umsa waSufi, umsa wa-Elkhana, umsa waMahathi, umsa wa-Amasayi,

2 Tikhronike 29:11

Madvodzana ami, ningacali nibe ngulabanganaki nyalo, ngobe Simakadze unikhetsile kutsi nime embikwakhe nimsebentele, nimkhonte nishise nemphepho embikwakhe.”

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 30:7

“Aroni utaboshisa imphepho lenuka kamnandzi, njalo nje ekuseni nakalungisa letibane.

Levithikusi 1:7

Emadvodzana a-Aroni, umphristi, alungise tinkhuni letisetikwelilati bese ayatokhela.

Levithikusi 1:9

Lomuntfu kufanele ageze loku kwangekhatsi nemilente; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 16:17

Kufanele kubete lobasethendeni lekuhlangana kusukela ngesikhatsi Aroni nakangena endzaweni lengcwelengcwele kuyawukwenta inhlawulo yekubuyisana kuSimakadze kuze kube sikhatsi sekuphuma kwakhe, asente kuSimakadze inhlawulo yekubuyisana kwakhe nekwemndeni wakhe kanye nekwesive sonkhe sema-Israyeli.

Levithikusi 16:19

Ingati uyawuyifafata ngemuno wakhe kasikhombisa kulelilati atelihlambulula ekungcoleni kwema-Israyeli, alehlukanisele Simakadze libe ngcwele.”

1 Samuweli 1:1

Kwakukhona indvodza letsite leyayingumSufi waseRamathayimu, eveni letintsaba kulaka-Efrayimu; libito layo bekungu-Elkhana, umsa waJerohamu, umsa wa-Elihu, umsa waThohu, umsa waSufi, um-Efrayimu.