1 Tikhronike 29:4 - Siswati 1996 Bible

⁴ igolide lecengekile yase-Ofiri lengemathani lalikhulu, nesiliva lecengekile lengemathani langema-240, yekwembesa lubondza lwaletakhiwo

1 Tikhronike 29:4 ပူးပေါင်းရင်းမြစ်များ

1 Emakhosi 9:28

Abehamba ngemkhumbi aye e-Ofiri, abuye negolide leyayingemakhilogremu langetulu kweti-14 000, afike ayetfule enkhosini Solomoni.

1 Tikhronike 1:23

na-Ofiri, naHavila, naJobabi. Bonkhe laba bekungemadvodzana aJokthane.

1 Tikhronike 22:14

“Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

1 Tikhronike 29:5

kanye nekwekwenta tintfo tegolide netesiliva kanye nekwekwenta tonkhe tintfo letitakwentiwa bantfu labanelikhono. Manje-ke ngubani lofuna kunikela kuSimakadze?”

Jobe 28:16

Ngeke sekutsengwe ngisho nangegolide yase-Ofiri, nangelitje leliligugu i-oniksi nome emasafire.

Numeri 7:85

Ngulelo nalelo pulede lalinesisindvo lesasingaba yikhilogremu nencenye, nguleyo naleyo ndishi yesiliva yekunyenyeta yayinesisindvo lesasingemagremu labengaba ngema-800. Setitonkhe tindishi tesiliva tatinesisindvo lesasingemakhilogremu labengaba ngema-28 ngekwesilinganiso lesisemtsetfweni.