1 Tikhronike 29:30 - Siswati 1996 Bible

³⁰ Lemininingwane ichaza kutsi Davide wabusa kanjani, ichaze nangemandla akhe nangako konkhe lokwamehlela yena nesive sema-Israyeli kanye nangemibuso yawo onkhe lamanye emave.

1 Tikhronike 29:30 ပူးပေါင်းရင်းမြစ်များ

2 Emakhosi 10:34

Leminye imininingwane yaJehu nalokunye lakwenta, nekubusa kwakhe, nekuphumelela kwakhe, kubhaliwe encwadzini yemilandvo yemakhosi aka-Israyeli.

2 Emakhosi 14:28

Leminye imininingwane ngekubusa kwaJerobowamu, nako konkhe lakwenta, nekuncoba kwakhe timphi, nekutsi wayibuyisela njani ka-Israyeli iDamaseko neHamathi, leyase iyakaJuda, kubhaliwe encwadzini yemilandvo yemakhosi aka-Israyeli.

1 Tikhronike 29:29

Imininingwane ngekubusa kwaDavide, kusukela ekucaleni kuze kube ngusekugcineni, kubhaliwe emlandvweni waSamuweli, umboniswa, nasemlandvweni waNathani, umphrofethi, kanye nasemlandvweni waGadi, umboniswa.

2 Tikhronike 1:1

Solomoni, umsa waDavide, watimisela umbuso locinile, ngobe Simakadze Nkulunkulu wakhe abenaye, wamenta waba mkhulu kakhulu.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 4:23

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.