1 Tikhronike 29:23 - Siswati 1996 Bible

²³ Ngako Solomoni wahlala esihlalweni sebukhosi saSimakadze waba yinkhosi esikhundleni seyise Davide. Wachuma, nema-Israyeli onkhe amhlonipha.

1 Tikhronike 29:23 ပူးပေါင်းရင်းမြစ်များ

1 Emakhosi 1:13

Hamba uyewungena enkhosini Davide, ufike ukhulume kuye utsi: ‘Nkosi yami, awuzange ufunge yini kimi, mine ncekukati yakho, watsi: “Impela Solomoni, indvodzana yakho, iyawuba yinkhosi emvakwami, ihlale esihlalweni sami sebukhosi”? Pho, sekwenteke kanjani manje kutsi Adoniya bese uba yinkhosi?’

1 Emakhosi 1:30

lamuhla ngitasigcina leso setsembiso lengasenta kuwe egameni laSimakadze Nkulunkulu wema-Israyeli, kutsi Solomoni, indvodzana yakho, nguye lotawuba yinkhosi emvakwami, ahlale esihlalweni sami sebukhosi esikhundleni sami.”

1 Emakhosi 1:35

Nitawube senenyuka naye; nguye lotakuta atewuhlala esihlalweni sami sebukhosi, abuse esikhundleni sami. Sengimbeke inkhosi etikwa-Israyeli naJuda.”

1 Emakhosi 1:46

Ngetulu kwaloko Solomoni sewutsetse indzawo yakhe esihlalweni sebukhosi;

1 Emakhosi 2:12

Ngako Solomoni wahlala esihlalweni sebukhosi seyise Davide, kubusa kwakhe kwatinta.

2 Emakhosi 11:19

Wabutsa tindvuna temakhulu, netesigodlo, nabomahlalesangweni, kanye nabo bonkhe bantfu bakulelo live, behlisa inkhosi ethempelini laSimakadze, bashuca bayawungena esigodlweni, bangena ngendlela yelisango lalabaciza sigodlo. Inkhosi yavele yahlala esihlalweni sayo sebukhosi.

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

1 Tikhronike 28:5

Emkhatsini wawo onkhe emadvodzana ami lamanyenti Simakadze langiphe wona, Simakadze ukhetse umsa wami Solomoni kutsi ahlale esihlalweni sebukhosi sembuso waSimakadze abuse ka-Israyeli.

1 Tikhronike 29:24

Tonkhe tiphatsimandla, nemachawe kanye nemadvodzana onkhe enkhosi Davide etsembisa kutfobela inkhosi Solomoni.

2 Tikhronike 1:1

Solomoni, umsa waDavide, watimisela umbuso locinile, ngobe Simakadze Nkulunkulu wakhe abenaye, wamenta waba mkhulu kakhulu.

2 Tikhronike 1:8

Solomoni waphendvula Nkulunkulu, watsi: “Wentela Davide, babe wami, umusa lomkhulu, nami wangenta ngaba yinkhosi esikhundleni sakhe.

2 Tikhronike 23:20

Wabutsa tindvuna temakhulu nebahlonishwa, nebaholi besive kanye nabo bonkhe bantfu bakulelo live, wehlisa inkhosi ethempelini laSimakadze. Bashuca bayawungena esigodlweni ngelisango langasenhla, bahlalisa inkhosi esihlalweni sebukhosi.

2 Tikhronike 9:30

Solomoni wabusela eJerusalema iminyaka lengema-40, abusa sonkhe sive sema-Israyeli.

2 Tikhronike 9:8

Akadvunyiswe Simakadze Nkulunkulu wakho lokujabulele wadzimate wakubeka esihlalweni sakhe sebukhosi kutsi ube yinkhosi ubusele Simakadze Nkulunkulu wakho. Ngenca yelutsandvo lwaNkulunkulu wakho ngema-Israyeli nangenshisekelo yakhe yekuwagcina emile kokuphela, ukwente waba yinkhosi yawo, kuze utewubusa ngekungakhetsi nangekulunga.”

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Taga 1:1

Taga taSolomoni, umsa waDavide, inkhosi yema-Israyeli.

KubaseRoma 13:1

Wonkhe umuntfu kufanele atitfobele ngenhlonipho tiphatsimandla tembuso, ngobe kute emandla embuso langaveli kuNkulunkulu, naleto tiphatsimandla letikhona tibekwe nguNkulunkulu.

Dutheronomi 34:9

Joshuwa, umsa waNuni, abesagcwaliswe ngaMoya wekuhlakanipha, ngobe Mosi abeke wabeka tandla takhe etikwakhe. Ngako-ke sive sema-Israyeli samlalela senta loko Simakadze labeyale Mosi kutsi sikwente.