1 Tikhronike 29:16 - Siswati 1996 Bible

¹⁶ Awu, Simakadze, Nkulunkulu wetfu, konkhe loku lokunyenti lesesikunikelele kwakha lithempeli, silakhele Libito lakho lelingcwele, kuphuma esandleni sakho, futsi konkhe loko kwakho.

1 Tikhronike 29:16 ပူးပေါင်းရင်းမြစ်များ

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

2 Tikhronike 31:10

Azariya, umPhristi Lomkhulu, wendlu yakaSadoki, waphendvula watsi: “Solomane kwesukela mzukwana sive sicala kuletsa iminikelo yaso ethempelini laSimakadze, besinekudla lokunyenti, besidla sesutse kuze kusale, ngobe Simakadze usibusisile sive sakhe, letindvundvuma nje sengulokusele.”

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Hoseya 2:8

Usengakatsandzi kuvuma kutsi kwakungimi lona lowamnika kudla lokutinhlavu, neliwayini lelisha, nemafutsa, lowatfululela kuye isiliva negolide, lababekusebentisa kuBhali.

Hagayi 2:8

‘Isiliva yami, negolide ngeyami,’ kusho Simakadze longuSomandla.

Lukha 19:16

Wekucala watsi: ‘Mnumzane, ngitalise letinye tinhlavu letilishumi ngalolo lowanginika lona.’