1 Tikhronike 29:15 - Siswati 1996 Bible

¹⁵ Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

1 Tikhronike 29:15 ပူးပေါင်းရင်းမြစ်များ

Genesisi 21:34

Abrahama wahlala eveni lemaFilisti sikhatsi lesidze.

Genesisi 23:4

“Ngisihambi nemchamuki la emkhatsini wenu. Ngicela ningitsengisele indzawo yekungcwaba, khona ngitewungcwaba lesidvumbu semkami.”

Genesisi 28:4

Shangatsi angakunika sibusiso sa-Abrahama, wena kanye netitukulwane takho, uze ulitsatse libe lakho lelive losihambi kulo kwamanje, Nkulunkulu lalinika Abrahama!”

Genesisi 36:7

Sizatfu lesamenta ehlukane nemnakabo kutsi bobabili bese banetimphahla letinyenti kakhulu. Live labebahlala kulo lalingabe lisabenela bobabili.

Genesisi 47:9

Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

1 Tikhronike 29:16

Awu, Simakadze, Nkulunkulu wetfu, konkhe loku lokunyenti lesesikunikelele kwakha lithempeli, silakhele Libito lakho lelingcwele, kuphuma esandleni sakho, futsi konkhe loko kwakho.

Jobe 14:10

Kodvwa umuntfu uyafa angcwatjwe, kube kuphela kwakhe, kutsi kungaphuma umphefumulo kube kuphela kwakhe.

Jobe 14:2

Ubhahela njengembali, bese uyabuna, akakhonsi, usheshe anyamalale njengesitfunti.

Jobe 8:9

ngobe tsine sitelwe itolo loku, kute lesikwatiko, netinsuku tetfu tekuhamba lapha emhlabeni tisitfunti nje.

Tihlabelelo 102:11

Emalanga ami anjengesitfunti sentsambama, ngiyabuna njengetjani.

Tihlabelelo 119:19

Ngisihambi lapha emhlabeni, ungangifihleli imiyalo yakho.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Tihlabelelo 39:13

Ngiyekele! Ungabe uloku ungigolotele, ngobe ngifuna kuphindze ngijabule, ngingakahambi emhlabeni.

Tihlabelelo 90:9

Onkhe emalanga etfu ekuphila endlula ngaphansi kwelulaka lwakho, iminyaka yetfu iyefika ibuye yendlule, sincane sesibibitfwane sesikhashana.

Umshumayeli 6:12

Empeleni ngubani longahle ati kutsi yini lenhle lefanele umuntfu kulokuphila, nakulamalangana lambalwa nalalite lendlula kuwo njengesitfunti? Ngubani nje longatjela lomunye umuntfu kutsi kutakwentekani lapha ngaphansi kwemtfunti welilanga nangasekho?

Levithikusi 25:23

“ ‘Indzawo aniyiwuyitsengisa siphelane, ngobe phela lelive ngelami, nine nitihambi nebacashi bami.

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.