1 Tikhronike 29:11 - Siswati 1996 Bible

¹¹ Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.

1 Tikhronike 29:11 ပူးပေါင်းရင်းမြစ်များ

Genesisi 1:1

Ekucaleni Nkulunkulu wadala lizulu nemhlaba.

Genesisi 14:19

Melkhisedeki wabusisa Abrama watsi: “Abrama akabusiswe nguNkulunkulu Losetikwako Konkhe, uMdali welizulu nemhlaba.

Genesisi 14:22

Kodvwa Abrama watsi enkhosini yaseSodoma: “Ngiphakamisela sandla sami, ngifunga kuSimakadze Nkulunkulu Losetikwako Konkhe, uMdali welizulu nemhlaba,

1 Tikhronike 29:10

Davide wadvumisa Simakadze embikwalo lonkhe libandla watsi: “Ludvumo alube kuwe, Simakadze, Nkulunkulu wababe wetfu Israyeli, kusukela phakadze kuze kube phakadze.

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Jobe 37:22

Uchamuka enyakatfo ngebukhatikhati bakhe begolide, Nkulunkulu uta ngebuNkulunkulu bakhe lobesabekako.

Tihlabelelo 10:16

Simakadze uyiNkhosi, phakadze naphakadze, impela emahedeni ayakunyamalala eveni lakhe.

Tihlabelelo 103:19

Simakadze wasimisa ezulwini sihlalo sakhe sebukhosi, konkhe lokukhona kungaphansi kwembuso wakhe.

Tihlabelelo 104:1

Mphefumulo wami, dvumisa Simakadze! Yebo, Simakadze, Nkulunkulu wami, wena umkhulu kakhulu! Wembetse ludvumo nebukhosi.

Tihlabelelo 145:1

Ngiyawuphakamisa wena, Nkulunkulu wami neNkhosi yami, ngituse libito lakho phakadze naphakadze.

Tihlabelelo 145:6

Bantfu bayawubabata bukhulu bemandla akho, nami ngibabate bukhulu bakho.

Tihlabelelo 21:13

Yebo, Simakadze! Awuphakanyiswe emandleni akho! Tsine siyawuhlabela sidvumise emandla akho.

Tihlabelelo 29:4

Liphimbo laSimakadze linemandla. Liphimbo laSimakadze linebukhosi.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Tihlabelelo 47:9

Tikhulu tetive tibutsene ndzawonye njengesive saNkulunkulu wa-Abrahama, ngobe tihlangu temhlaba taNkulunkulu. Waphakanyiswa, ubabateka kakhulu!

Tihlabelelo 57:11

Nkulunkulu, phakama ube ngetulu kwemazulu, inkhatimulo yakho yengamele umhlaba wonkhe.

Tihlabelelo 57:5

Nkulunkulu, phakama ube ngetulu kwemazulu, inkhatimulo yakho yengamele umhlaba wonkhe.

Tihlabelelo 57:6

Tinyatselo tami batibekele lugibe, umphefumulo wami ushone phansi. Bembe umgodzi wekungihholokoshisela endleleni yami, kodvwa sekuhholokoshele bona. Cabanga.

Tihlabelelo 89:11

Emazulu ngewakho, nemhlaba wakho, umhlaba nako konkhe lokukuwo kwadalwa nguwe.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Tihlabelelo 97:9

Ngobe wena, Simakadze, unguLosetikwako Konkhe, ubusa umhlaba wonkhe, uphakeme ngetulu kwabonkulunkulu.

Tihlabelelo 98:1

Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 27:5

Ngemandla ami lamakhulu nangengalo yami leyelulekile, ngadala umhlaba kanye nebantfu labahlala kuwo kanye netilwane letikuwo, futsi ngiwunika nome ngubani lengimtsandzako.

Danyela 2:20

watsi: “Alidvunyiswe Libito laNkulunkulu phakadze naphakadze; kuhlakanipha nemandla kwakhe.

Danyela 4:3

“Maye, tikhulu tibonakaliso takhe, maye, tinemandla timangaliso takhe! Umbuso wakhe ngumbuso waphakadze; bukhosi bakhe buyawuhlala bukhona titukulwane ngetitukulwane.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Danyela 4:32

Wena sewutawukhishwa emkhatsini webantfu, uyewuhlala emkhatsini wetilwane tesiganga; utawudla tjani njengetinkhomo. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele yonkhe imibuso yebantfu, nekutsi uyinika nome ngubani umuntfu latsandza kumupha yona.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

Joshuwa 3:11

Ase nibuke, libhokisi lesivumelwane seNkhosi yemhlaba wonkhe litawungena eJordane kucala kunani lihamba embikwenu.

Joshuwa 3:13

Kutawutsi tinyawo tebaphristi labetfwele lelibhokisi lesivumelwane saSimakadze, iNkhosi yemhlaba wonkhe, natinyatsela emanti emfula iJordane, emanti emfula iJordane atakuma angete ageleta, lamanti lachamuka ngenhla atakuma abe yindvundvuma.”

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;

1 Samuweli 15:29

Lowo Loyinkhatimulo yema-Israyeli akawacali emanga nome agucule umcondvo wakhe; ngobe akasiye umuntfu kutsi angaze agucule umcondvo wakhe.”