1 Tikhronike 28:14 - Siswati 1996 Bible

¹⁴ Wamkhombisa sisindvo segolide nesesiliva lekwakutakwakhiwa ngayo timphahla letatitawusetjentiswa ekwenteni tinkonzo tetinhlobonhlobo:

1 Tikhronike 28:14 ပူးပေါင်းရင်းမြစ်များ

1 Tikhronike 28:13

Wamnika imiyalo macondzana neticheme tebaphristi netemaLevi neyawo wonkhe umsebenti wekukhonta ethempelini laSimakadze, neyato tonkhe timphahla letitawusetjentiswa ekukhonteni.

1 Tikhronike 28:15

sisindvo segolide yekwakha tintsi tetibane kanye netibane tato, nesisindvo salolo nalolo lutsi lwetibane kanye netibane talo, nesisindvo sesiliva yalolo nalolo lutsi lwesibane sesiliva netibane talo, ngekwemsebenti walolo nalolo lutsi lwesibane.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

2 Tikhronike 4:7

Wabe sewenta tintsi tesibane letilishumi tegolide, watenta njengobe abelayelwe, wase utifaka ethempelini, letisihlanu ngaseningizimu naletisihlanu ngasenyakatfo.

Ezra 8:33

Ngelilanga lesine, sesisendlini yaNkulunkulu wetfu, sakala isiliva, negolide, netimphahla letingcwele etandleni taMeremothi, umsa wa-Uriya, umphristi. Eleyazare, umsa waFinehasi, abenaye kanye nemaLevi, boJozabadi, umsa waJeshuwa, naNohadiya, umsa waBinuwi.