1 Tikhronike 28:13 - Siswati 1996 Bible

¹³ Wamnika imiyalo macondzana neticheme tebaphristi netemaLevi neyawo wonkhe umsebenti wekukhonta ethempelini laSimakadze, neyato tonkhe timphahla letitawusetjentiswa ekukhonteni.

1 Tikhronike 28:13 ပူးပေါင်းရင်းမြစ်များ

Ezra 8:33

Ngelilanga lesine, sesisendlini yaNkulunkulu wetfu, sakala isiliva, negolide, netimphahla letingcwele etandleni taMeremothi, umsa wa-Uriya, umphristi. Eleyazare, umsa waFinehasi, abenaye kanye nemaLevi, boJozabadi, umsa waJeshuwa, naNohadiya, umsa waBinuwi.

1 Tikhronike 23:6

Davide wehlukanisa emaLevi aba ticheme letingangetemadvodzana aLevi: BoGeshoni, naKhohati, naMerari.

1 Tikhronike 9:29

Lamanye emaLevi umsebenti wawo bekukuphatsa letinye timphahla letingcwele, nafulaha, neliwayini, nemafutsa emncumo, nemphepho kanye netinandzisi.

1 Tikhronike 28:14

Wamkhombisa sisindvo segolide nesesiliva lekwakutakwakhiwa ngayo timphahla letatitawusetjentiswa ekwenteni tinkonzo tetinhlobonhlobo:

1 Tikhronike 28:21

Tonkhe ticheme tebaphristi netemaLevi setivele tiwulungele wonkhe lomsebenti welithempeli laNkulunkulu, kantsi wonkhe umuntfu lonenhlitiyo levumako nalonelikhono lekuhlobisa utakusita kuwo wonkhe lomsebenti. Tonkhe tiphatsimandla nesive sonkhe sitakwenta konkhe lositjela kona kutsi sikwente.”