1 Tikhronike 27:25 - Siswati 1996 Bible

²⁵ Azmavethi, umsa wa-Adiyeli, abephetse tindlu tengcebo yenkhosi. Jonathani, umsa wa-Uziya, abephetse tindlu tengcebo letatisesifundzeni, nasemadolobheni, nasemitini kanye nasemibhoshongweni.

1 Tikhronike 27:25 ပူးပေါင်းရင်းမြစ်များ

Genesisi 41:48

Konkhe lokudla kweminyaka lesikhombisa yenala Josefa wakubutsela emadolobheni. Lelo nalelo dolobha eGibhithe kwaba yindzawo yekugcina kudla, nasekuvuniwe emasimini lasedvutane nalo.

2 Samuweli 23:31

na-Abiyalboni wase-Abha, na-Azmavethi waseBhahurimu,

2 Emakhosi 18:15

Ngako Hezekiya wayinika yonkhe isiliva leyatfolakala ethempelini laSimakadze kanye nasendlini yengcebo yasesigodlweni.

1 Tikhronike 27:24

Jowabe, umsa waSeruya, wacala wabala emadvodza, kodvwa wangete wacedza. Nkulunkulu watfukutselela ema-Israyeli ngenca yalolubalo, nalemiphumela ayizange ifakwe encwadzini yemilandvo yenkhosi Davide.

1 Tikhronike 27:26

Ezri, umsa waKhelubi, abephetse tisebenti tasemasimini.

1 Tikhronike 28:1

Davide wabita tonkhe tiphatsimandla taka-Israyeli kutsi tihlanganele eJerusalema: Bekutindvuna letatiphetse tive, netindvuna letatiphetse emabutfo lasingatsa inkhosi, netindvuna tetinkhulungwane, netindvuna temakhulu, netindvuna letatengamele tonkhe timphahla kanye netifuyo tenkhosi, netemadvodzana ayo, kanye netindvuna tasesigodlweni, nemadvodza lanemandla kanye netingwazi temphi.

1 Tikhronike 29:6

Baholi bemindeni, netiphatsimandla tetive taka-Israyeli, netindvuna tetinkhulungwane netemakhulu, nebaphatsi bemisebenti yenkhosi banikela ngenhlitiyo levumako.

2 Tikhronike 16:2

Asa wase ukhipha yonkhe isiliva negolide leyayibekwe engcebeni yasethempelini laSimakadze nasesigodlweni sakhe, wakutfumela kuBheni Hadadi, inkhosi yaseSiriya, leyayihlala eDamaseko.

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Jeremiya 41:8

Kodvwa kwaba khona emkhatsini wawo emadvodza lalishumi lacela Ishmayeli, atsi: “Sicela kutsi mane ungasibulali! Siphetse kolo nebhali, nemafutsa kanye neluju lwetinyosi lesikufihle lena esikhotseni.” Ngako wabayekela, wangete wababulala kanye nalaba labanye.