1 Tikhronike 25:5 - Siswati 1996 Bible

⁵ Bonkhe labo bekungemadvodzana aHemani, umboniswa wenkhosi. Wabanikwa ngesetsembiso saNkulunkulu kutsi batemphakamisa. Nkulunkulu wapha Hemani emadvodzana lali-14 nemadvodzakati lamatsatfu.

1 Tikhronike 25:5 ပူးပေါင်းရင်းမြစ်များ

Genesisi 33:5

Esawu watsi uyabuka wabona bafati nebantfwana, wabuta watsi: “Bobani laba lohamba nabo?” Jakobe wamphendvula watsi: “Laba-ke bantfwana Nkulunkulu layiphe bona inceku yakho.”

2 Samuweli 24:11

Davide watsi asengakavuki nakuvuka ngakusasa ekuseni, livi laSimakadze labeselifikile kuGadi, umphrofethi, umboniswa waDavide, latsi:

1 Tikhronike 21:9

Simakadze watsi kuGadi, umboniswa waDavide:

1 Tikhronike 25:4

Mayelana naHemani, kumadvodzana akhe bekuboBukhiya, naMathaniya, na-Uziyeli, naShubayeli, naJerimothi, naHananiya, naHanani, na-Eliyatha, naGidalti, naRomamti Ezeri, naJoshbekasha, naMalothi, naHothiri, naMahaziyoti.

1 Tikhronike 28:5

Emkhatsini wawo onkhe emadvodzana ami lamanyenti Simakadze langiphe wona, Simakadze ukhetse umsa wami Solomoni kutsi ahlale esihlalweni sebukhosi sembuso waSimakadze abuse ka-Israyeli.

2 Tikhronike 35:15

Bahlabeli, batukulu ba-Asafa, babesetindzaweni letatilawulwe nguDavide, bo-Asafa, naHemani, naJeduthuni, baboniswa benkhosi. Bomahlalesangweni, kulelo nakulelo sango, kwakungenasidzingo sekutsi besuke lapho bakhona, ngobe labahlobo babo, emaLevi, babentela onkhe emalungiselelo.

Tihlabelelo 127:3

Bantfwana balifa leliphuma kuSimakadze, basibusiso lesivela kuye.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

1 Samuweli 9:9

Kadzeni ka-Israyeli nangabe umuntfu aye kuyawubuta kuNkulunkulu, abetsi: “Kota, siye kumboniswa,” ngobe umphrofethi wangaleso sikhatsi abebitwa ngekutsi ngumboniswa.