1 Tikhronike 25:1 - Siswati 1996 Bible

¹ Davide kanye netindvuna takhe letatiphetse emaLevi behlukanisela emadvodzana a-Asafa, naHemani, naJeduthuni, bawehlukanisela inkonzo yekuphrofetha, kwanandziswa ngemahabhu, nengemalire, nangemasimbali. Luhla lwalamadvodza lenta lomsebenti bekungulolu:

1 Tikhronike 25:1 ပူးပေါင်းရင်းမြစ်များ

1 Emakhosi 10:12

Inkhosi yayisebentisa letingodvo te-almugi ekwenteni tinsika telithempeli laSimakadze netesigodlo senkhosi, nasekwenteni emahabhu nemalire ebahlabeli. Ngako tingodvo letinyenti kangako te-almugi atizange tiphindze tifike eveni nome tibonwe kusukela ngalelo langa.]

2 Emakhosi 3:15

Kodvwa letsa lapha umdlali welihabhu.” Watsi umdlali welihabhu asadlala, sandla saSimakadze sehlela ku-Elisha,

1 Tikhronike 12:28

naSadoki, libhungu lelaliyingwazi linesibindzi, akanye netindvuna takhe letatingema-22, temndeni wakabo;

1 Tikhronike 13:8

Davide kanye nawo onkhe ema-Israyeli babejabula bagidza ngawo onkhe emandla abo embikwaNkulunkulu ngetingoma, nangemahabhu, nangemalire, nangemafahlawane, nangemasimbali kanye nangemacilongo.

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

1 Tikhronike 23:2

Davide wachubeka wabita bonkhe baholi besive sema-Israyeli kanye nebaphristi babo, nemaLevi.

1 Tikhronike 25:2

Kumadvodzana a-Asafa bekuboZakhuri, naJosefa, naNethaniya, na-Asharela. Emadvodzana a-Asafa abephetfwe ngu-Asafa labephrofetha ngekulawulwa yinkhosi.

1 Tikhronike 25:3

Mayelana naJeduthuni, kumadvodzana akhe bekuboGedaliya, naSeri, naJeshaya, naShimeyi, naHashabiya, naMathithiya, babesitfupha sebabonkhe, bangaphansi kwemtsetfo weyise Jeduthuni labephrofetha bese ubonga Simakadze amdvumise ngelihabhu.

1 Tikhronike 25:9

Inkatho yekucala leyayika-Asafa yadla Josefa, nemadvodzana akhe kanye netihlobo takhe, sebabonkhe babeli-12. Yesibili yadla Gedaliya nemadvodzana akhe kanye netihlobo takhe, sebabonkhe babeli-12.

1 Tikhronike 6:16

Emadvodzana aLevi bekuboGeshoni, naKhohati kanye naMerari.

1 Tikhronike 6:33

Nankha-ke lamadvodza labekhonta kanye nemadvodzana awo: Esiveni semaKhohati bekunguHemani, umhlabeli, umsa waJoweli, umsa waSamuweli,

1 Tikhronike 6:39

Asafa, labebambisene naHemani, yena abekhonta ngasesandleni sakhe sekudla. Asafa abengumsa waBherekhiya, umsa waShimeya,

1 Tikhronike 6:44

Ngasesandleni sangesancele bekubomnakabo lebekungemadvodzana aMerari: Ethani abengumsa waKhishi, umsa wa-Abdi, umsa waMaluki,

1 Tikhronike 9:33

Labo lababebahlabeli, lababebaholi bemaLevi, babehlala emakamelweni elithempeli. Bayekeliswa nalena leminye imisebenti, ngobe babehlala balindzele kubitelwa emsebentini wabo ngaso sonkhe sikhatsi, emini nasebusuku.

2 Tikhronike 23:1

Kwatsi ngemnyaka wesikhombisa Jehoyada waticinisa emandla, wenta sivumelwane netindvuna temakhulu: bo-Azariya, umsa waJerohamu, na-Ishmayeli, umsa waJehohanani, na-Azariya, umsa wa-Obedi, naMaseya, umsa wa-Adaya, na-Elishafati, umsa waZikhri.

2 Tikhronike 23:13

Watsi uyabuka, wabona nanso inkhosi ime eceleni kwensika yayo emnyango, tindvuna nebashayi bemacilongo babesingatse inkhosi, bonkhe bantfu belive bajabula bashaya emacilongo, nebahlabeli baphetse tingubhu, bahamba embili, bahola ngetibongo. Ngako Athaliya wadzabula tingubo takhe, wamemeta watsi: “Ngemavukelambuso! Ngemavukelambuso!”

2 Tikhronike 23:18

Jehoyada wase ubeka baphristi lababengemaLevi kutsi kube ngubona bengameli belithempeli laSimakadze, Davide labebeke kubo umsebenti ethempelini kutsi betfule umnikelo wekushiswa kuSimakadze njengobe kubhaliwe emtsetfweni waMosi, ngekujabula nangekuhlabela, njengobe kwakushito Davide.

2 Tikhronike 23:9

Wase uhlomisa letindvuna ngetikhali nangemahawu lamakhulu nalamancane labengewaDavide, inkhosi, ahlala ethempelini laNkulunkulu.

2 Tikhronike 29:13

Kutitukulwane ta-Elisafani kwaba nguShimri naJeyiyeli. Kutitukulwane ta-Asafa kwaba nguZakhariya naMathaniya.

2 Tikhronike 29:14

Kutitukulwane taHemani kwaba nguJehiyeli naShimeyi. Kutitukulwane taJeduthuni kwaba nguShemaya na-Uziyeli.

2 Tikhronike 31:2

Hezekiya wabela baphristi nemaLevi imisebenti yabo ngeticheme tabo, nguleso naleso sicheme njengekwemsebenti waso: Bekungumsebenti wekunikela iminikelo yekushiswa neyebudlelwane, nemsebenti wekukhonta, newekubonga, newekuhlabela tingoma tekudvumisa emasangweni endzawo yaSimakadze yekuhlala.

2 Tikhronike 34:12

Lamadvodza awenta ngekwetsembeka lokukhulu lomsebenti. Lababebacondzisi babo bekuboJahathi, na-Obadiya, emaLevi labeyintalelwane yaMerari, naZakhariya, naMeshulamu labebadzabuka kuKhohati. Onkhe emaLevi labebochwephesha ekudlaleni tingubhu temculo,

2 Tikhronike 35:15

Bahlabeli, batukulu ba-Asafa, babesetindzaweni letatilawulwe nguDavide, bo-Asafa, naHemani, naJeduthuni, baboniswa benkhosi. Bomahlalesangweni, kulelo nakulelo sango, kwakungenasidzingo sekutsi besuke lapho bakhona, ngobe labahlobo babo, emaLevi, babentela onkhe emalungiselelo.

2 Tikhronike 5:12

Onkhe emaLevi labebahlabeli: bo-Asafa, naHemani, naJeduthuni, nemadvodzana abo, kanye netihlobo tabo, bema ngasemphumalanga kwelilati. Babegcoke tingubo telineni lecolisakele bashaya emasimbali, nemahabhu, nemalire. Babehamba nebaphristi labali-120 lababeshaya emacilongo.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Ezra 2:41

Bahlabeli bona: bekutitukulwane taka-Asafa, babeli-128.

Ezra 6:18

Babeka baphristi ngabolonina, babeka nemaLevi ngetigaba tawo, balungiselelwa kukhonta Nkulunkulu eJerusalema, macondzana naloko lokwakubhalwe encwadzini yemtsetfo waMosi.

Nehemiya 11:17

naMathaniya, umsa waMikha, umsa waZabdi, umsa wa-Asafa labengumcondzisi labehola tibongo nemithandazo, naBakbukiya labewesibili kubomnakabo, na-Abda, umsa waShamuwa labetalwa nguGalali, umsa waJeduthuni.

Nehemiya 12:24

Baholi bemaLevi bekuboHashabiya, naSherebiya, naJeshuwa, umsa waKhadmiyeli; ticheme tabomnakabo tatima malungana nabo, kuze tidvumise tiletse netibongo, sicheme sabomnakabo lesinye siphendvule lesinye, njengobe abeshito Davide, inceku yaNkulunkulu.

Nehemiya 12:27

Ngesikhatsi sekunikelwa kwelubondza lweJerusalema, emaLevi afunwa aze atfolakala lapho abehlala khona, atsatfwa aletfwa eJerusalema kutsi atewungenela lomkhosi ngenjabulo, nangetingoma tekubonga, nangemculo wabokhencekhence, newemahabhu, newemalire lanetintsambo letinyenti.

Tihlabelelo 81:2

Calani ingoma, nishaye tingubhu, netingitali kanye nemahabhu.

Tihlabelelo 81:3

Vutselani impalampala ekwetfwaseni kwenyanga, nangesikhatsi seyidvulungile ngelilanga lemkhosi wetfu.

Hezekeli 40:44

Lendvodza yase ingimisa kulesibuya sangekhatsi. Kwakunemakamelo lamabili lavulekela kulesibuya sangekhatsi, lilinye laliseceleni kwelisango langasenyakatfo, lalibheke ngaseningizimu, leli lelinye liseceleni kwelisango langaseningizimu libheke ngasenyakatfo.

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.