1 Tikhronike 23:24 - Siswati 1996 Bible

²⁴ Lena-ke bekuyintalelwane yaLevi ngemindeni yawo, tinhloko temindeni, njengobe tatibhaliswe ngemabito tabalwa ngayinye ngayinye, lokusho labo labebangasebenta, kusukela kulababeneminyaka lengema-20 kuya etulu, labo labebakhonta ethempelini laSimakadze.

1 Tikhronike 23:24 ပူးပေါင်းရင်းမြစ်များ

1 Tikhronike 23:23

Emadvodzana aMushi: BekuboMahali, na-Ederi, naJerimothi, babatsatfu sebabonkhe.

1 Tikhronike 23:27

Ngekwemagama ekugcina aDavide emaLevi abalwa kusukela kulabo lababeneminyaka lengema-20 kuya etulu.

1 Tikhronike 23:3

EmaLevi labesaneminyaka lengema-30 nalengetulu abalwa, asawonkhe lawo madvodza aba ti-38 000.

2 Tikhronike 31:17

Babebuye babele baphristi lababebhaliswe ngemindeni yabo etincwadzini temilandvo yekutalana kwabo, kanjalo nemaLevi kusukela kulababeneminyaka lengema-20 kuya etulu, njengekwetinkonzo tabo ngeticheme tabo.

Ezra 3:8

Ngenyanga yesibili emnyakeni wesibili befikile endlini yaNkulunkulu eJerusalema, Zerubhabheli, umsa waSalatiyeli, naJeshuwa, umsa waJosadaki, kanye nabomnakabo bonkhe lababesele, baphristi, nemaLevi, nabo bonkhe lababebuye eJerusalema baphuma ekutfunjweni, bacala kusebenta, babeka emaLevi labeneminyaka lengema-20 kuya etulu kutsi agcugcutele kwakhiwa kwendlu yaSimakadze.

Nehemiya 7:1

Lwatsi kube lubondza lwakhiwe luphele, netivalo sengitifakile etindzaweni tato, kwabe sekubekwa bomahlalesangweni, nebahlabeli kanye nemaLevi.

Numeri 1:18

base babita sonkhe sive ngelilanga lekucala enyangeni yesibili. Bonkhe bantfu babhalisa, ngulowo nalowo wabhalisa ngeyisemkhulu, kwabhaliswa emabito awo onkhe emadvodza kusukela kulabeneminyaka lengema-20 kuya etulu, ngayinye ngayinye,

Numeri 1:22

Titukulwane takaSimeyoni tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 10:17

Kwase kufutwa lelithende lekukhontela, emadvodzana akaGeshoni newakaMerari labenguwona etfwala lithende, aphuma ahamba.

Numeri 10:21

Kwase kulandzela sicheme sesive semaKhohati lesasingusona setfwala tintfo letingcwele. Sona sasitsi sifika sikhandze lithende lekukhontela selakhiwe laphelela.

Numeri 18:5

“Nine kufanele ninakekele indzawo lengcwele kanye nelilati, khona intfukutselo yaSimakadze ingetiwuphindza yehlele sive sema-Israyeli.

Numeri 2:32

Onkhe lawa ngema-Israyeli labalwa ngemindeni yawo. Onkhe lawa labesetinkambu ngeticheme tawo aba ti-603 550.

Numeri 3:15

“Bala emaLevi, lusendvo ngelusendvo nangemindeni yawo. Bala bonkhe labadvuna kusukela kulabanenyanga budzala kuya etulu.”

Numeri 3:20

Lawa-ke ngemadvodzana aMerari, lusendvo ngelusendvo: boMahali, naMushi. Bonkhe babe ngimindeni yemaLevi, lusendvo ngelusendvo.

Numeri 3:47

Uyawukhipha emagremu esiliva langaba ngema-55 litubulo lilinye njengekwesimiso lesisemtsetfweni, endzaweni lengcwele, lesingemagremu langaba li-12.

Numeri 4:23

Bala onkhe emadvodza kusukela kulasaneminyaka lengema-30 kuya kulengema-50 budzala lase bangena enkonzweni yekukhonta ethendeni lekuhlangana.

Numeri 4:3

Bala onkhe emadvodza kusukela kulasaneminyaka lengema-30 kuya kulengema-50 budzala, labo lase bangena enkonzweni yekukhonta ethendeni lekuhlangana.

Numeri 8:24

“Nangu umtsetfo locondzene nemaLevi: Onkhe emaLevi kusukela eminyakeni lengema-25 budzala kuye etulu ayakuyingenela lenkonzo yawo ethendeni lekuhlangana,