1 Tikhronike 22:14 - Siswati 1996 Bible

¹⁴ “Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 22:14 ပူးပေါင်းရင်းမြစ်များ

1 Emakhosi 10:14

Njalo nje ngemnyaka Solomoni abemukela igolide leyayingemakhilogremu labengaba ti-23 000,

1 Emakhosi 7:47

Solomoni akazange atikale tonkhe letintfo, ngobe tatitinyenti kakhulu; sisindvo salelitfusi naso sasingakakalwa.

2 Emakhosi 25:16

Litfusi letinsika letimbili, nalelibhavu kanye naletincodlana letatakhiwe nguSolomoni, akwakhela lithempeli laSimakadze, kwakungetulu kwekukalwa.

1 Tikhronike 22:15

Manyenti kakhulu emadvodza lotabe usebenta nawo: Kutaba nalabacota kahle ematje, nalababumba ngematje, nalabababati kanye nalamanyenti nje emadvodza lanebuchwephesha kuto tonkhe tinhlobo temisebenti

1 Tikhronike 22:3

Waletsa insimbi lenyenti yekutsi kwakhiwe ngayo tipikili tetivalo temasango netako konkhe lokudzinga kubetselwa, waletsa nencumbi yelitfusi lelalingeke likaleke ngebunyenti balo.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

Jeremiya 52:20

Litfusi laletinsika letimbili, nalelibhavu kanye naletinkunzi letatili-12 letatingaphansi kwalo, naletincodlana letatakhiwe yinkhosi Solomoni, atakhele lithempeli laSimakadze, kwakungetulu kwekukalwa.

Numeri 7:85

Ngulelo nalelo pulede lalinesisindvo lesasingaba yikhilogremu nencenye, nguleyo naleyo ndishi yesiliva yekunyenyeta yayinesisindvo lesasingemagremu labengaba ngema-800. Setitonkhe tindishi tesiliva tatinesisindvo lesasingemakhilogremu labengaba ngema-28 ngekwesilinganiso lesisemtsetfweni.

2 kubaseKorinthe 8:2

Avivinywa kakhulu ngekuhlupheka, noko emkhatsini wako konkhe loko, kujabula kwawo kwaphuphuma. Nome bekaphuye kakhulu, akhombisa kuceba ngekwephana lokukhulu ekunikeleni kwawo.