1 Tikhronike 21:23 - Siswati 1996 Bible

²³ Arawuna wakhuluma kuDavide, watsi: “Yitsatse. Inkhosi yami, inkhosi, ayente lekutsandzako kuyo. Buka-ke, ngitawunikela ngetinkhomo kutsi tibe ngumnikelo wekushiswa. Letihliphi tekubhula titawuba tinkhuni, nalokolo abe ngumnikelo walokutinhlavu, ngitakupha konkhe loku.”

1 Tikhronike 21:23 ပူးပေါင်းရင်းမြစ်များ

1 Emakhosi 19:21

Ngako Elisha wamshiya, wancandzeka. Watsatsa letinkhabi letimbili watihlaba. Watsatsa lelijoko lekubophela walibasa, wapheka ngalo lenyama, wapha bantfu, badla. Wabe sewuyaphuma ulandzela Elija, waba ngumsiti wakhe.

1 Tikhronike 21:22

Davide watsi kuye: “Ngiphe lendzawo yakho yekubhulela kolo, kuze ngitekwakha kuyo lilati kuSimakadze, khona kutewuncamuka lesifo lesibulala sive. Ngitsengisele yona ngentsengo lephelele.”

1 Tikhronike 21:24

Kodvwa inkhosi Davide yaphendvula Arawuna, yatsi: “Cha! Ngifuna kukubhadala ngentsengo lephelele. Ngingeke ngitsatsele Simakadze kulokukwakho, futsi ngeke ngente umhlatjelo ngalengingakakukhokheli lutfo.”

Jeremiya 32:8

“Ngako-ke, njengobe Simakadze abeshito, umzala wami Hanameli weta kimi esibuyeni sabogadzi, watsi: ‘Tsenga insimi yami e-Anathothi, eveni lakaBhenjamini. Njengobe kulilungelo lakho kutsi uyihlenge ibe yakho, titsengele yona.’ “Ngavele ngati kutsi leli bekulivi laSimakadze;

1 Samuweli 6:14

Incola yefikela ensimini yakaJoshuwa eBhethi Shemeshi, yefika lapho yema eceleni kwalelikhulu lidvwala. Bantfu bakabha lamapulango lekwakwakhiwe ngawo lencola, banikela ngaletinkhomo, taba ngumnikelo wekushiswa kuSimakadze.