1 Tikhronike 2:55 - Siswati 1996 Bible

⁵⁵ nemaSoferi, lekwakungimindeni yebabhali lababehlala eJabesi: emaThirathi, nemaShimeyathi, nemaSukathi. Laba-ke bekungemaKheni labevela kuHamathi, titukulwane tawo tatitekudzabuka emndenini waRekhabi.

1 Tikhronike 2:55 ပူးပေါင်းရင်းမြစ်များ

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

Tikhulu 1:16

Titukulwane teyisetala waMosi, emaKheni, takhuphuka eDolobheni Lemasundvu tahamba nemphi yakaJuda tayawukwakha ehlane laseJudiya, eveni laseNegevu lekuyiningizimu yelive, eceleni kwase-Aradi.

Jeremiya 35:19

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: ‘Jonadabi, umsa waRekhabi, ngeke eswele umuntfu lotawukhonta mine.’ ”

Tikhulu 4:11

Hebere, umKheni, abesatehlukanisile nesive semaKheni, situkulwane sakaHobabi, umkhwenyewaboMosi, wayakumisa lithende lakhe eceleni kwesihlahla lesikhulu eveni laseSananimu eceleni kweKhedeshi.

1 Samuweli 15:6

Wakhuluma kumaKheni watsi: “Hambani, nishiye lama-Amaleki, khona ngingetikunibhubhisa kanye nawo; ngobe nine naba nesihe kuma-Israyeli, nakaphuma eGibhithe.” Ngako emaKheni esuka ahamba ashiya lama-Amaleki.

Jeremiya 8:8

“ ‘Ningasho kanjani kutsi: “Sihlakaniphile tsine, ngobe sinemtsetfo waSimakadze,” ibe kantsi lutsi lwemanga lwebabhali lukucobele phansi lokungemanga?

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

1 Tikhronike 2:54

Titukulwane takaSalma, uyise waBhetlehema, bekungemaNethofa, nebase-Atrothe Bhethi Jowabe, nencenye yemaManahathi, nemaSori,

1 Tikhronike 3:1

Lawa ngemadvodzana aDavide latalelwa wona aseseHebroni: Litubulo bekungu-Amnoni, labetalwa ngu-Ahinowami waseJezreyeli; yesibili bekunguDanyela, labetalwa ngu-Abigayili waseKhameli;