1 Tikhronike 17:27 - Siswati 1996 Bible

²⁷ Manje-ke shangatsi kungakujabulisa kubusisa indlu yenceku yakho kuze ichubeke njalo embikwakho; ngobe wena Simakadze uyibusisile, futsi iyawubusiseka phakadze naphakadze.”

1 Tikhronike 17:27 ပူးပေါင်းရင်းမြစ်များ

Genesisi 27:33

Isaka wetfuka wachachatela kamatima wonkhe umtimba watsi: “Kantsi ngubani lona loletse inyama yenyamatane lapha kimi, ngayidla yonkhe ungakefiki wena, ngase ngiyambusisa? Ngempela utawubusiswa yena.”

1 Emakhosi 2:33

Shangatsi licala lekucitfwa kwengati yabo lingaba setikwenhloko yaJowabe nasetitukulwane takhe phakadze naphakadze; kodvwa Davide netitukulwane takhe, nendlu yakhe, nesihlalo sakhe sebukhosi kuyakuba nekuthula kwaSimakadze phakadze naphakadze.”

1 Emakhosi 2:45

Kodvwa inkhosi Solomoni itawubusiswa, nesihlalo sebukhosi saDavide siyawuhlala siphephile ngaSimakadze phakadze naphakadze.”

1 Tikhronike 17:26

Awu, Simakadze, wena unguNkulunkulu! Unike inceku yakho lesetsembiso lesihle.

1 Tikhronike 18:1

Kwatsi emvakwaloko, Davide wahlasela emaFilisti wawehlula, wawemuka emandla ekutibusa eveni, watfumba iGathi kanye nemiti yayo leyayiyitungeletile, wayikhipha ekubusweni ngemaFilisti.

1 Tikhronike 28:4

“Noko Simakadze, Nkulunkulu wema-Israyeli, wakhetsa mine endlini yaketfu kutsi ngibe yinkhosi yema-Israyeli phakadze naphakadze. Wakhetsa Juda kutsi abe ngumholi. Kwatsi elusendvweni lwakaJuda wakhetsa umndeni waketfu. Emkhatsini wemadvodzana ababe wajabulela kutsi akhetse mine angente inkhosi yema-Israyeli.

Tihlabelelo 21:6

Wayenta yabusiseka kakhulu kuze kube phakadze, uyitfokotisa ngenjabulo ebusweni bakho.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Numeri 23:20

Nginikwe umyalo wekutsi ngibusise, yena sewubusisile, mine ngingabe ngisakugucula loko.

KubaseRoma 11:29

Phela Nkulunkulu akakuguculi kwephana kwakhe kwamahhala nekubita kwakhe.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Dutheronomi 15:6

Ngobe Simakadze Nkulunkulu wenu utanibusisa njengobe etsembisile, niyakwebolekisa etiveni letinyenti, kodvwa nine ningeke neboleke lutfo kunome ngukusinye sato. Niyawubusa tive letinyenti, kodvwa kute nome sinye lesiyakunibusa.