1 Tikhronike 16:27 - Siswati 1996 Bible

²⁷ Ludvumo nebukhosi kusembikwakhe, emandla nenjabulo kusendlini yakhe lengcwele.

1 Tikhronike 16:27 ပူးပေါင်းရင်းမြစ်များ

1 Tikhronike 16:26

Ngobe bonkhe bonkulunkulu betive batithico, kodvwa nguSimakadze lowenta emazulu.

1 Tikhronike 16:28

“Nikani Simakadze, nine mindeni yetive, nikani Simakadze ludvumo nemandla.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 8:1

Maye, Simakadze, Nkhosi yetfu! Libito lakho liyababateka emhlabeni wonkhe! Wena ubeke ludvumo lwebukhosi bakho ngetulu kwemazulu.

Tihlabelelo 96:6

Ludvumo nebukhosi kusembikwakhe, emandla nenkhatimulo kusendlini yakhe lengcwele.

Hezekeli 1:27

Ngabona kutsi kusukela kuloko lokwakubonakala shangatsi kulukhalo lwakhe kuya ngenhla kwalo abefanana nelitfusi lelimanyatelako, kube shangatsi ligcwele umlilo, bese kutsi kusuka elukhalweni kuye phansi abefanana nemlilo. Abetungeletwe kukhanya lokumanyatelako.

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.