1 Tikhronike 15:27 - Siswati 1996 Bible

²⁷ Davide abembetse umjiva lowawentiwe ngelineni lecolisakele, njengawo onkhe lamaLevi labetfwele libhokisi lesivumelwane saSimakadze, nanjengalabo bahlabeli, naKhenaniya labengamele lawo makwaya ekuhlabela; Davide abembetse nesidziya selineni.

1 Tikhronike 15:27 ပူးပေါင်းရင်းမြစ်များ

2 Samuweli 6:14

Davide abembetse sidziya sebaphristi lesasentiwe ngelineni, wagidza embikwaSimakadze ngawo onkhe emandla akhe ajabulile,

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

1 Tikhronike 6:31

Lawa bekungemadvodza Davide lawabeka kutsi engamele kuhlabelela endlini yaSimakadze, nase kufakwe libhokisi lesivumelwane kuyo.

Isaya 3:23

netibuko, netingubo telineni lecolisakele, nemishuculo kanye nematjalo.

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.