1 Tikhronike 15:15 - Siswati 1996 Bible

¹⁵ EmaLevi etfwala lelibhokisi lesivumelwane ngetimboko emahlombe awo, njengobe Mosi abekhulumile ngekwemyalo waSimakadze.

1 Tikhronike 15:15 ပူးပေါင်းရင်းမြစ်များ

Numeri 4:15

Nase bacedzile bo-Aroni nemadvodzana akhe kumbonya indzawo lengcwele nato tonkhe timphahla tayo, nenkambu yonkhe seyilungele kusuka ihambe, emaKhohati kufanele kube ngiwo letfwalako, kodvwa angatitsintsi letintfo letingcwele, funa afe. “Ngito leto tintfo tasethendeni lekuhlangana letifanele kwetfwalwa ngemaKhohati.

Numeri 7:9

Kodvwa Mosi akawanikanga lutfo emaKhohati, ngobe phela wona bekufanele letintfo letingcwele atetfwale emahlombe awo.

2 Tikhronike 5:9

Letimboko tatitindze kangangekutsi tihloko tato tatize tilungute ngephandle tibonakale kulendzawo lengcwele lesembikwendzawo lengcwelengcwele ngekhatsi, kodvwa hhayi ngephandle kwendzawo lengcwele. Nalamuhla loku tisekhona khona lapho.

1 Emakhosi 8:8

Letimboko betitindze kangangekutsi tihloko tato tatize tilungute ngephandle tibonakale kulendzawo lengcwele lesembikwendzawo lengcwelengcwele ngekhatsi, kodvwa hhayi ngephandle kwendzawo lengcwele. Nalamuhla loku tisekhona khona lapho.

Eksodusi 40:20

Watsatsa tibhelekeca tematje letimbili watifaka ebhokisini lesivumelwane. Wafaka letimboko kulamajiva alo, wase ulimbonya ngesihlalo semusa.

2 Samuweli 6:13

Kwatsi laba lababetfwele lelibhokisi lesivumelwane nase batsetse tinyatselo letisitfupha, wase unikela ngemhlatjelo wenkunzi nangelitfokati lelikhuluphele.

1 Tikhronike 13:10

Lulaka lwaSimakadze lwamvutsela Uza, wamshaya, ngobe abesabambe lelibhokisi lesivumelwane. Ngako Uza wafa, wafela embikwaNkulunkulu.

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.

2 Samuweli 6:12

Inkhosi Davide bayitjela batsi: “Simakadze sewuyibusisile indlu yaka-Obedi Edomu, kanye nako konkhe kwakakhe ngenca yelibhokisi lesivumelwane saSimakadze.” Ngako Davide wase uyehla uyawulandza libhokisi lesivumelwane saNkulunkulu ekhaya ka-Obedi Edomu, weta nalo, waliletsa eJerusalema, Lidolobha laDavide, ahamba ajabula.