1 Tikhronike 12:40 - Siswati 1996 Bible

⁴⁰ Bomakhelwane babo kusuka ka-Isakhari, nakaZebuloni, nakaNaftali beta nabo baletsa kudla bakwetfwele ngetimbongolo, nangemakamela, nangeminyuzi kanye nangetinkhabi. Lokudla lekwakukunyenti bekungufulaha, nemacebelengwane emakhiwa, newemagelebisi lomisiwe, neliwayini, nemafutsa, netinkhomo kanye netimvu, ngobe kwaba nekujabula ka-Israyeli.

1 Tikhronike 12:40 ပူးပေါင်းရင်းမြစ်များ

2 Samuweli 16:1

Davide watsi asahambe libangana nje etulu esicongweni sentsatjana, wahlangatjetwa nguSiba, sisebenti saMefiboshethi. Siba abechuba timbongolo letimbili letatiboshelwe, tetfwele imikhama yetinkhwa lengema-200, nemacebelengwane lalikhulu emagelebisi lomisiwe, netikhehle temakhiwa letilikhulu, nesikhumbasikhwama sigcwele liwayini.

1 Emakhosi 1:40

Bonkhe bantfu benyuka bamlandzela, bashaya nemintjingozi bajabule kakhulu, kwaze kwanyakata ngisho nemhlaba ngenca yemsindvo.

2 Emakhosi 11:20

Bonkhe bantfu balelo live bajabula. Lidolobha laba nekuthula, ngobe phela Athaliya abebhokodzelwe ngenkemba ekhatsi esigodlweni.

1 Tikhronike 12:39

Emadvodza ahlala naDavide emalanga lamatsatfu, adla, anatsa, ngobe imindeni yawo yayiwentele imiphako.

1 Tikhronike 13:1

Davide wakhuluma netindvuna takhe ngayinye ngayinye, tindvuna tetinkhulungwane, netemakhulu.

1 Tikhronike 29:22

Badla banatsa ngekujabula lokukhulu embikwaSimakadze ngalelo langa. Baphindza futsi bemukela Solomoni, umsa waDavide, kutsi abe yinkhosi, base bamgcoba ngemafutsa embikwaSimakadze kutsi abe ngumbusi, naSadoki kutsi abe ngumphristi.

Taga 11:10

Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Hoseya 3:1

Simakadze wakhuluma kimi watsi: “Hamba, uphindze umtsandze umkakho, lite nome asatsandvwe ngulomunye futsi, ayingwadla. Mtsandze wena njengobe Simakadze atsandza ema-Israyeli, kwala nome sebagucukele kulabanye bonkulunkulu, batsandza emacebelengwane emagelebisi lomisiwe.”

1 Samuweli 25:18

Abigayili akacitsanga sikhatsi. Watsatsa tinkhwa letatingema-200 netikhumbasikhwama letimbili tigcwele liwayini, netimvu letisihlanu lesetihlinziwe, nembasha yemmbila lengemakhilogremu labengaba li-17, nemacebelengwane lalikhulu emagelebisi lomisiwe, nemacebelengwane langema-200 emakhiwa lahlutiwe, wakwekhweta etimbongolweni.