1 Tikhronike 12:30 - Siswati 1996 Bible

³⁰ emadvodza aka-Efrayimu, tingwazi letatinesibindzi letatidvume kakhulu etinsendweni takubo, abeti-20 800;

1 Tikhronike 12:30 ပူးပေါင်းရင်းမြစ်များ

Genesisi 6:4

Kulawo malanga, nangasemva kwawo, kwakunetichwaga letatitalwa bantfu emhlabeni. Emadvodzana aNkulunkulu nasangene kuletintfombi tebantfu, tawatalela bantfwana. Labantfwabato bekungemachawe asendvulo labenemandla neludvumo.

2 Samuweli 2:8

Ngaso leso sikhatsi Abneri, umsa waNeri, labeyindvuna yemphi yaSawula abesatsetse Ishboshethi, umsa waSawula, wamletsa eMahanayimu.

2 Samuweli 2:9

Wafike wambeka inkhosi yakaGileyadi, neyaka-Asheri, neyaseJezreyeli, neyaka-Efrayimu, neyakaBhenjamini, naku-Israyeli wonkhe.

2 Samuweli 3:19

Abneri waphindze wakhuluma yena cobo lwakhe kubakaBhenjamini. Wabe sewuya eHebroni kuyawutjela Davide konkhe Israyeli nendlu yakaBhenjamini lababekufuna.

1 Tikhronike 12:29

emadvodza akaBhenjamini, endlu yakaSawula, abeti-3 000, linyenti lawo lelake labambelela kuSawula kwate kwaba nguleso sikhatsi;

1 Tikhronike 12:31

emadvodza encenye yesive sakaManase, labebitwe ngemabito awo kutsi ete atewubeka Davide kutsi abe yinkhosi, abeti-18 000;