1 Tikhronike 12:20 - Siswati 1996 Bible

²⁰ Ngesikhatsi Davide aya eSikilagi, emadvodza akaManase latihlanganisa naDavide nankha: Bekubo-Adna, naJozabadi, naJediyayeli, naMikhayeli, naJozabadi, na-Elihu kanye naSilethayi, lekwakubaholi bemabutfo etinkhulungwane kaManase.

1 Tikhronike 12:20 ပူးပေါင်းရင်းမြစ်များ

1 Tikhronike 12:19

Lamanye emadvodza akaManase ahlephuka alandzela Davide ngesikhatsi ahamba nemaFilisti kuyakulwa nenkhosi Sawula. Empeleni yena nemadvodza akakhe akazange awasite emaFilisti, ngobe emvakwekuhlolisana, inkhosi yawo yavele yamcosha. Bakhuluma batsi: “Phela sitawubulawa sonkhe lapha, nakungenteka Davide abuyele enkhosini yakhe Sawula.”

1 Tikhronike 12:21

Basita Davide ekulweni nemabutfo labemhlasela, ngobe bonkhe babetingwazi letatinesibindzi, baba tindvuna temphi yakhe.

1 Tikhronike 8:20

na-Eliyenayi, naSilethayi, na-Eliyeli,

Eksodusi 18:21

Ngetulu kwaloko khetsa emadvodza lafanele, naletsembekile, lesaba Nkulunkulu, nalengatsengeki, uwabeke abe baholi: betinkhulungwane, nebemakhulu, nebema-50, nebemashumi.

Dutheronomi 1:15

Ngako ngatsatsa labaholi betive tenu, emadvodza lahlakaniphile nalahloniphekile, ngawabeka kutsi anengamele, abe tindvuna tetinkhulungwane, netemakhulu, netema-50, netemashumi, nekutsi abe tiphatsimandla taletive tenu.

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”

1 Samuweli 29:11

Ngako Davide nelibutfo lakakhe bavuka ekuseni nakudzabuka kusa, bancandzeka baya eveni lemaFilisti labebasikelwe lona. EmaFilisti wona akhuphuka aya eJezreyeli.

1 Samuweli 29:3

Tindvuna temphi yemaFilisti tabuta tatsi: “Afunani lamaHebheru lawa?” Akhishi waphendvula watsi: “AkusiDavide yini lona lobekayindvuna lenkhulu yaSawula, inkhosi yema-Israyeli? Sekuze kuphele umnyaka wonkhe solomane ahlala nami lapha, kusukela ngelilanga labaleka ngalo kuSawula kuze kube ngulamuhla, angikaze ngamtfola anelicala.”

1 Samuweli 29:4

Kodvwa tindvuna temphi yemaFilisti tatfukutselela Akhishi, tatsi: “Ncandzekisa lomuntfu abuyele endzaweni lowamnika yona. Akukafaneli ahambe natsi kuya emphini, funa asigucukele nasekuliwa lena embili. Kungaba malula kakhulu kuye kutsi atigcebele enkhosini yakhe ngekutsi ayinikete tinhloko temadvodza akitsi.