1 Tikhronike 11:17 - Siswati 1996 Bible

¹⁷ Davide wativela asomile, wase utsi: “Awu! Kube mane kungaba khona longangikhelela emanti ekunatsa; ngomele emanti asemtfonjeni longasesangweni laseBhetlehema!”

1 Tikhronike 11:17 ပူးပေါင်းရင်းမြစ်များ

1 Tikhronike 11:16

Ngaleso sikhatsi Davide abesekhatsi enqabeni, kantsi libutfo lemaFilisti lona laliseBhetlehema.

1 Tikhronike 11:18

Ngako letingwazi letintsatfu tesuka lapho tabhidla ticheme temabutfo emaFilisti ngenkhani taphumela ngale, taze tefika emtfonjeni longasesangweni laseBhetlehema, takha emanti, tabuya nawo kuDavide. Kodvwa Davide wala kuwanatsa lamanti, esikhundleni saloko wawatfululela embikwaSimakadze.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 60:9

Ngitawumikiswa ngubani kulomuti loyinqaba? Ngitawuholwa ngubani kuya ka-Edomu?

Tihlabelelo 63:1

Nkulunkulu, wena unguNkulunkulu wami! Ngifuna wena. Umphefumulo wami womele wena, umtimba wami ulambele wena, eveni lelomile naleligagadzekile, live lelite emanti.

Isaya 12:3

Ngekujabula niyawukha emanti emitfonjeni yensindziso.

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”